நாளை தேர்வு முடிவுகளை அமைச்சர் அறிவிக்கமாட்டார்!!

நாளை 10 மற்றும் 11ஆம் வகுப்பு தேர்வு முடிவுகள் வெளியாக உள்ள நிலையில், அதனை அமைச்சர் அன்பில் மகேஷ் பொய்யாமொழி வெளியிடமாட்டார் என தேர்வுத்துறை அறிவித்துள்ளது.

நாளை காலை 10 மணிக்கு, பத்தாம் வகுப்புக்கும், நாளை பிற்பகல், 2 மணிக்கு, 11ஆம் வகுப்புக்கும் தேர்வு முடிவு வெளியிடப்படுகிறது.

http://www.tnresults.nic.in/ மற்றும் http://www.dge.tn.gov.in/ ஆகிய இணையதளங்களில், மாணவர்கள் தங்களின் பதிவெண் மற்றும் பிறந்த தேதியை கொண்டு, மதிப்பெண் விபரம் தெரிந்து கொள்ளலாம்.

பள்ளியில் மாணவர்கள் வழங்கிய உறுதிமொழி கடிதத்தில் குறிப்பிட்ட மொபைல்போன் எண்ணுக்கும், தனி தேர்வர்கள் ஆன்லைன் விண்ணப்பத்தில் வழங்கிய மொபைல்போன் எண்ணுக்கும், மதிப்பெண் விபரம் எஸ்.எம்.எஸ்., ஆக அனுப்பப்படும்.

மாணவர்கள் தங்களின் பள்ளிகளிலும், மதிப்பெண் விபரம் தெரிந்து கொள்ளலாம். 11ஆம் வகுப்பு தேர்வை 7.7 லட்சம் பேரும், 10ஆம் வகுப்பு தேர்வை 9.4 லட்சம் பேரும் எழுதியுள்ளனர்.

இந்நிலையில் 10 மற்றும் 11ஆம் வகுப்பு தேர்வு முடிவுகளை அமைச்சர் அன்பில் மகேஷ் பொய்யாமொழி வெளியிடமாட்டார் என தேர்வுத்துறை அறிவித்துள்ளது.

newstm.in