தங்கம் விலை இன்று சற்று குறைவு..!! இன்று ஒரு சவரன் விலை என்ன தெரியுமா ?

"பத்தரை மாற்று பெண்' என கூறியதாலோ என்னவோ, பெண்களையும், தங்கத்தையும் பிரிக்க முடியவில்லை. அழகுப் பெண்ணைக் கூட, "தங்கம்' போல ஜொலிக்கிறாள் என்று வர்ணிக்கிறோம்.இன்னும் ஒரு படி மேலே போனால், குழந்தைகளை சாப்பிட வைக்கும் போது, "என் தங்கம்... என் வைரம்...' என "விலை என "விலை மதிப்பில்லாமல்' கொஞ்சி சாப்பிட வைக்கிறோம்.நாம் இவ்வளவு முக்கியத்துவம் கொடுத்தாலும், ஏழை, எளியோருக்கு எட்டாத பொருளாய், விலையில் வானத்தை நோக்கி சென்று கொண்டிருக்கிறது தங்கம். வசதியில்லாதவர்கள் கூட, திருமணத்தின் போது காது, மூக்குக்காவது நகை வேணும் என மாப்பிள்ளை வீட்டார் எதிர்பார்க்கின்றனர். அப்படிப்பட்ட தங்கத்தில் விலை தொடர் உயர்வில் இருப்பது மக்களிடையே அதிர்ச்சியை ஏற்படுத்தியுள்ளது

சென்னையில் நேற்று 22 கேரட் ஆபரணத் தங்கத்தின் விலை சவரனுக்கு 320 ரூபாய் குறைந்து விற்பனை ஆன நிலையில், இன்று காலை நிலவரப்படி ஒரு கிராம் (22 கேரட்) ஆபரணத் தங்கத்தின் விலை 10 ரூபாய் குறைந்து, ரூ.5,280-க்கு விற்பனை செய்யப்படுகிறது. ஒரு சவரனுக்கு 80 ரூபாய் குறைந்து, ரூ.42,240-க்கு விற்பனையாகிறது.

அதேபோல், நேற்று 18 கேரட் ஆபரணத் தங்கத்தின் விலை கிராம் ஒன்றுக்கு ரூ.4,333-க்கு விற்பனையான நிலையில், இன்று காலை நிலவரப்படி ஒரு கிராம் (18 கேரட்) ஆபரணத் தங்கத்தின் விலை 8 ரூபாய் குறைந்து, ரூ.4,325-க்கு விற்பனை செய்யப்படுகிறது.

ஒரு கிலோ வெள்ளியின் விலை நேற்று மாலை 71,800 ரூபாயாக இருந்த நிலையில், இன்று காலையில் வெள்ளியின் விலை கிலோவுக்கு 100 ரூபாய் குறைந்து, ரூ.71,700-க்கு விற்பனை செய்யப்படுகின்றன. ஒரு கிராம் வெள்ளி ரூ.71.70-க்கு விற்பனை செய்யப்படுகிறது.