சமூக வலைத்தளங்களுக்கு குட்பை சொன்ன நடிகை..!!

கேரள சினிமாவில் குழந்தை நட்சத்திரமாக அறிமுகமாகி பின்னர் தொலைக்காட்சி தொடர்களில் தொகுப்பாளினியாகப் பணியாற்றியவர் நஸ்ரியா நஜிம். இவர் கடந்த 2013 இல் வெளியான ‘நேரம்’ திரைப்படம் மூலம் தமிழ் சினிமாவில் அறிமுகமானார். முதல் படத்திலேயே ரசிகர்களிடையே பிரபலமான இவர் ‘ராஜா ராணி’ திரைப்படம் மூலம் முன்னணி நடிகையானார். இந்நிலையில் மலையாள சினிமாக்களில் கவனம் செலுத்திவந்த அவர் தேசிய விருதுபெற்ற மலையாள நடிகர் ஃபஹத் பாசிலை திருமணம் செய்துகொண்டார்.

சினிமாவைத் தவிர சோஷியல் மீடியாவிலும் பரபரப்பாக இயங்கிவரும் இவர் தற்போது திடீரென அனைத்து சோஷியல் மீடியா பக்கங்களில் இருந்து தற்காலிகமாக விலகுகிறேன் எனத் தனது இன்ஸ்டாகிராம் பக்கத்தில் பதிவிட்டுள்ளார். இந்தப் பதிவில் உங்கள் அன்பு மற்றும் செய்திகளை அனைத்தையும் இழக்கிறேன். எனக் கூறியுள்ள நடிகை நஸ்ரியாவின் முடிவு அவரது ரசிகர்கள் மற்றும் ஃபாலோயர்களுக்கு கடும் அதிர்ச்சியை ஏற்படுத்தி இருக்கிறது. ஆனால் இந்த தற்காலிக விலகலுக்கான காரணங்களை அவர் தெரிவிக்கவில்லை என்பதும் குறிப்பிடத்தக்கது.