தீபாவளி பண்டிகையை முன்னிட்டு கூட்டுறவுத் துறையில் பணிபுரியும் ஊழியர்களுக்கு போனஸ் வழங்க தமிழக அரசு உத்தரவிட்டுள்ளது.

தீபாவளி பண்டிகையையொட்டி அரசு பொதுத்தறை நிறுவனங்கள், வணிக நிறுவனங்கள், தனியார் நிறுவனங்கள் தங்கள் ஊழியர்களுக்கு போனஸ் அறிவித்து, வழங்கி வருகின்றன. அந்த வகையில், இந்தியன் ரயில்வே தனது ஊழியர்களின் 78 நாள் சம்பளத்தை போனசாக அறிவித்துள்ளது.

தமிழகஅரசு, தனது பொதுத்துறை நிறுவனங்களில் பணிபுரியும் 'சி' மற்றும் 'டி' பிரிவு ஊழியர்களுக்கு போனஸ் அறிவித்துள்ளது. அதன்படி, இந்த ஊழியர்களுக்கு 8.33 சதவீத போனஸ் மற்றும் கருணைத் தொகை 1.67 சதவீதம் என மொத்தம் 10 சதவீதம் வழங்க உத்தரவிட்டுள்ளது.

இந்த நிலையில் தற்போது, தீபாவளி பண்டிகையை முன்னிட்டு கூட்டுறவுத் துறையில் பணிபுரியும் ஊழியர்களுக்கு போனஸ் வழங்க தமிழக அரசு உத்தரவு பிறப்பித்துள்ளது.