காங்கிரசை ஆதரிக்க தயார் : மேற்குவங்க முதல்வர் மம்தா அறிவிப்பு..!!

கர்நாடகா சட்டசபை தேர்தலில் தனிப்பெரும்பான்மை பெற்று காங்., ஆட்சி அமைக்க உள்ளது. 2024-ல் வரவுள்ள லோக்சபா தேர்தலில் பீகார் முதல்வர் நிதிஷ் எதிர்கட்சிகளை ஒன்றிணைக்கும் முயற்சியில் ஈடுபட்டு வரும் சூழ்நிலையில் மேற்குவங்க முதல்வர் மம்தா பானர்ஜி நேற்று தலைமை செயலகத்தில் அளித்த பேட்டியில் தெரிவிக்கையில்.,

காங்கிரஸ் கட்சி எங்கெல்லாம் செல்வாக்குடன் உள்ளதோ அங்கெல்லாம் நாங்கள் ஆதரவு அளிப்போம். அதே நேரம் எங்கெல்லாம் மாநில கட்சிகள் செல்வாக்கு உள்ளதோ அங்கு காங்கிரஸ் ஆதரிக்க வேண்டும். நான் கர்நாடகாவில் காங்கிரசை ஆதரிக்கிறேன். மாநில கட்சிகள் ஒன்றிணைந்தால் 2024- தேர்தலில் காங்கிரசுக்கு திரிணாமுல் காங்., ஆதரவு அளிக்கும். இவ்வாறு அவர் பேட்டியளித்தார்.