தமிழாடு முதலமைச்சரின் ஒரு மாத சம்பளம் எவ்வளவு, இந்தியாவிலேயே அதிக சம்பளம் வழங்கப்படும் மாநிலம் எது என்பதை இந்த பதிவில் பார்க்கலாம்.

ஒவ்வொரு மாநிலத்தில் சட்டசபை உறுப்பினர் மற்றும் முதலமைச்சருக்கு அடிப்படை சம்பளம் மற்றும் கொடுப்பனைக்கள் வழங்கப்படுகிறது. அந்த வகையில் முதலமைச்சர் பதவிக்கு, உறுப்பினர்களுக்கு சம்பளம் நிர்ணயிக்கப்பட்டு வழங்கப்படுகிறது. இந்நிலையில், தமிழ்நாட்டின் முதலமைச்சர் பதவிக்கு ஒரு மாதத்திற்கு சம்பளமாக ரூ.2,05,000 வழங்கப்படுவதாக கூறப்படுகிறது.

சட்டசபை உறுப்பினர்களுக்கு ஒரு மாதத்திற்கு அடிப்படை சம்பளம் ரூ.30,000, டெலிபோன், தபால், வாகனம் உள்ளிட்ட கொடுப்பனைகள் சேர்த்து ரூ. 75,000 வழங்கப்படுகிறது. மொத்தம் ரூ.1,05,000 சம்பளமாக வழங்கப்படுகிறது.

இந்தியாவில் இருக்கும் 28 மாநிலங்களில் முதலமைச்சரின் சம்பளம் என்று பார்க்கும்போது ரூ. 1,05,000 முதல் தொடங்கி அதிகபடியாக ரூ. 4,10,000 வரை உள்ளது. இதில் முதல் இடத்தில் உள்ள தெலுங்கானா ஆகும். தெலுங்கானாவில் முதலமைச்சர் பதவிக்கு ரூ. 4,10,000 ஒரு மாதத்திற்கு சம்பளமாக வழங்கப்படுகிறது.

தெலுங்கானாவிற்கு அடுத்து டெல்லி ரூ.3,90,000 இரண்டாம் இடத்திலும், உத்தர பிரதேசம் ரூ. 3,65,000 சம்பளத்துடன் மூன்றாம் இடத்திலும் உள்ளது. தொடர்ந்து, மகாராஷ்டிரா ரூ. 3,40,000, ஆந்திர பிரதேசம் ரூ. 3,35,000, குஜராத் ரூ. 3,21,000, ஹிமாச்சல பிரதேசம் ரூ. 3,10,000 என அடுத்தடுத்து உள்ளன.

இந்தியாவிலேயே முதலமைச்சர் பதவிக்கு குறைந்த சம்பளம் வழங்கும் மாநிலங்களில் கடைசி 3 இடத்தில் மணிப்பூர், நாகலாந்து, திருப்பூரா உள்ளது. மணிப்பூரில் ரூ.1,20,000, நாகலாந்தில் 1,10,000 மற்றும் திருப்பூராவில் ரூ.1,05,500 வழங்கப்படுகிறது.

அசாம், அருணால பிரதேசம், மேகாலயா, ஒடிசாம் உத்தரகாண்ட், ராஜஸ்தான், கேரளா, சிக்கிம், கர்நாடகா ஆகிய மாநிலங்களில் முதலமைச்சர் பதவிக்கு ரூ. 1.25 லட்சம் முதல் ரூ. 2 லட்சம் வரை சம்பளம் வழங்கப்படுகிறது.

தமிழ்நாடு முதல் தொடங்கி, மேற்கு வங்காளம், பீகார், கோவா, பஞ்சாப், சத்தீஸ்கர், மத்திய பிரதேசம், ஜார்கண்ட், ஹரியானா ஆகிய மாநிலங்களில் ரூ.2.05 லட்சம் முதல் ரூ.2.88 லட்சம் வரை முதலமைச்சர் பதவிக்கு சம்பளம் வழங்கப்படுகிறது.