ஏற்கனவே கடந்த சட்டமன்றத் தேர்தலுக்கு முன்பாக ஸ்டாலின் ஊர் ஊராக சென்று அங்குள்ள பொதுமக்களிடம் வாங்கிய சுமார் 14 லட்சம் மனுக்கள் இன்னும் பெட்டிக்குள் தூங்கிக் கொண்டிருக்கிறது. இந்த நிலையில் தேர்தல் வருவதை ஒட்டி பொதுமக்களை ஏமாற்றும் விதமாக தற்போது 'உங்களுடன் ஸ்டாலின்' என்ற திட்டத்தையும் தொடங்கி தற்போது மனுக்கள் பெறப்பட்டு வருகிறது. ஏற்கனவே வாங்கிய மனுக்கள் தூங்கியது போல இந்த மனுக்களும் தூங்கும் என்றார்.

தொடர்ந்து பேசிய அவர், தமிழகத்தில் சுகாதாரத் துறை மிக சிறப்பாக இருப்பதாக சுகாதாரத்துறை அமைச்சர் தினம்தோறும் தெரிவித்து வருகிறார். அப்படி என்றால் ஒவ்வொரு மருத்துவமனையும் சிறப்பாக இருப்பதாக தானே அர்த்தம். ஆனால் தமிழக முதலமைச்சர் தற்போது தனியார் மருத்துவமனையில் சிகிச்சை பெற்று வருகிறார். தமிழகத்தில் அரசு மருத்துவமனைகள் சிறப்பாக இருந்தால், ஏன் அவர் நேரடியாக அங்கே சென்று சிகிச்சை பெற்று இருக்கலாம். மக்களுக்கு ஒரு சிகிச்சை தமிழக முதலமைச்சருக்கு ஒரு சிகிச்சையா? பல்வேறு அரசு மருத்துவமனைகளில் சிடி ஸ்கேன் உள்ளிட்ட எந்தவித வசதிகளும் இல்லை. பிறந்த குழந்தைகளை கூட தரையில் படுக்க வைக்கும் நிலையில் தான் தமிழகத்தில் தொடர்ந்து நிலவிக் கொண்டிருக்கிறது. 

தமிழகத்தில் பெண்களுக்கு பாதுகாப்பு இல்லாத சூழ்நிலை உள்ளது. தற்போது காவல்துறை டிஎஸ்பிக்கும் பாதுகாப்பு இல்லை. ஆகவே தமிழகத்தில் யாருக்குமே பாதுகாப்பு இல்லை என அவர் தெரிவித்தார்.