என்ன ஆச்சு...! வைரலாகும் சுபான்சு சுக்லாவின் வீடியோ!

20 நாட்கள் விண்வெளியில் கழித்த பிறகு, நாசா உதவிவுடன் இந்திய விண்வெளி வீரர் சுபான்சு சுக்லா தற்போது பூமியில் இயல்பாக நடக்க பழகும் வகையில் மருத்துவ மற்றும் உடற்பயிற்சி பயிற்சிகளை மேற்கொண்டு வருகிறார். விண்வெளியில் கிராவிட்டி இல்லாத சூழல் காரணமாக அவரது தசைகள் பலவீனமடைந்ததால், பூமிக்கு திரும்பியதும் உடலின் இயல்பு இயக்கங்களில் சிக்கல் ஏற்பட்டுள்ளது.

இந்தியாவின், மனிதனை விண்வெளிக்கு அனுப்பும் ககன்யான் திட்டத்தில் ஈடுபட உள்ள சுபான்சு சுக்லா, தனது ஆக்சியோம் விண்வெளிப் பயணத்திற்குப் பிறகு மீண்டும் பூமியின் நிலையான கிராவிட்டி சூழலுக்கு மாற பயிற்சி எடுக்க வேண்டும். இதற்காக, மருத்துவ நிபுணர்கள் மற்றும் இஸ்ரோ அறிவியல் குழுவினர் அவருக்கு சிறப்பு உடற்பயிற்சிகளை வழங்கி வருகின்றனர்.

விண்வெளியில் நீண்ட நாட்கள் இருந்ததால், மனித உடலில் பல மாற்றங்கள் ஏற்படுகின்றன. உடலின் தசைகள் பலவீனமடைவதுடன், எலும்புகளின் அடர்த்தியும் குறைகிறது. இதனால் நிலத்தில் நடப்பதற்கும் உடலை நிலைத்திருக்க வைத்துக்கொள்வதற்கும் சிரமம் ஏற்படுகிறது. சுபான்சு சுக்லாவும் இதே போன்ற நிலைமையை எதிர்கொண்டு வருகிறார்.

மருத்துவர்கள் அவரது நடக்கும் திறனை மீண்டும் கட்டியெழுப்பும் வகையில் "கைட் பயிற்சி" எனப்படும் பயிற்சியை வழங்கி வருகின்றனர். இதில், முதலில் ஹார்னெஸ் அணிவிக்கப்படுகிறது. அதன் பிறகு டிரெட் மில் இயந்திரங்களில் மெதுவாக நடப்பதற்குப் பழக்கப்படுத்தப்படுகிறார். இதனால், பூமியின் கனத்தியலை அடிக்கடி உணர அவர் பழகப்படுகிறார்.

அதே நேரத்தில், அவரது உடலின் சமநிலை, தசை இயக்கம் ஆகியவையும் கண்காணிக்கப்பட்டு வருகிறன. இவை அனைத்தும் நவீன மருத்துவ கருவிகளால் கண்காணிக்கப்பட்டு பயிற்சி அளிக்கப்படுகிறது.இந்த பயிற்சி முடிந்ததும், அவர் மீண்டும் இயல்பாக நடந்து செயல்பட முடியும். இது அவரது உடல் சீரமைப்பிற்கும், எதிர்கால விண்வெளி பணிகளுக்கும் மிகவும் அவசியமான கட்டமாகும். சுபான்சு சுக்லாவின் விண்வெளிப் பயணம் வெற்றிகரமாக முடிந்தது மட்டுமல்ல, அவருடைய பின்-பயணம் மருத்துவ ரீதியாகவும் மிக முக்கியமானதாக அமைகிறது.இந்த முயற்சி, இந்தியாவின் மனிதனை விண்வெளிக்கு அனுப்பும் திட்டத்திற்கு ஒரு முக்கியமான முன்னேற்றமாகவும், எதிர்காலம் நோக்கிய ஒரு பலமான அடித்தளமாகவும் விளங்குகிறது.
 

சுபான்சு சுக்லா போட்ட பதிவு என்ன?

இதுதொடர்பாக சுபான்சு சுக்லா வெளியிட்ட பதிவில்," எனது உடல்நலம் குறித்தும், விரைவில் குணமடைய வாழ்த்துகிறேன் என்றும் நிறைய செய்திகள் வந்துள்ளன. உங்கள் அனைவருக்கும் நன்றி தெரிவிக்க விரும்புகிறேன், மேலும் ஒரு புதுப்பிப்பையும் தர விரும்புகிறேன்.

நுண் ஈர்ப்பு விசையை அனுபவிக்கும் நம் உடல் திரவ மாற்றம், இதய துடிப்பு, சமநிலை மறுசீரமைப்பு, தசை இழப்பு போன்ற பல மாற்றங்களைச் சந்திக்கிறது. இவை புதிய சூழலுக்கு ஏற்ப தகவமைப்புகள். உடல் இதற்குப் பழகி, நாம் ஈர்ப்பு விசைக்குத் திரும்பியதும், இந்த மாற்றங்கள் மீண்டும் நிகழ்கின்றன.

அனைத்து விண்வெளி வீரர்களுக்கும் இது மாறுபடும் என்றாலும், உடல் விரைவில் அதன் புதிய சூழலுக்கு ஏற்ப தகவமைத்துக் கொள்ளத் தொடங்குகிறது. நமது உடல் புதிய அமைப்புகளுக்கு ஏற்ப தகவமைத்துக் கொள்ளக்கூடிய வேகத்தைக் கவனித்ததில் நான் ஆச்சரியப்பட்டேன்" என சுபான்சு சுக்லா தனது பதிவில் குறிப்பிட்டு இருந்தார்.

Shubhanshu Shukla’s latest video shows him relearning to walk as part of his post-space mission recovery | #WATCH#Viral #ViralVideo #ShubhanshuShukla #Space pic.twitter.com/eSA5A7RtOS

— TIMES NOW (@TimesNow) July 22, 2025