சூரரைப்போற்று ரிலீஸ் ஆகுமா ? தமிழ்நாடு தியேட்டர் அதிபர்கள் திடீர் எதிர்ப்பு !!

அறிமுக இயக்குனர் ஜே.ஜே.பிரட்ரிக் இயக்கத்தில் ஜோதிகா நடித்து வரும் படம் பொன்மகள் வந்தால். சூர்யாவின் 2டி நிறுவனம் தயாரிக்கும் இப்படத்தில் பார்த்திபன், பாக்யராஜ், பிரதாப் போத்தன் உள்ளிட்ட பல நடிகர்கள் முக்கிய கதாபாத்திரத்தில் நடித்துள்ளனர்.

96 பட புகழ் கோவிந்த் வசந்தா இந்த படத்திற்கும் இசையமைத்துள்ளார். இந்த படத்தின் இறுதிக்கட்ட பணிகள் அனைத்தும் முடிந்து இந்ர்த படம் மார்ச் 28 ஆம் தேதி வெளியாவதாக இருந்தது. ஆனால், ஊரடங்கு காரணமாக படம் வெளியாகவில்லை.

இந்நிலையில், இந்த படத்தை சூர்யா திரையரங்கிற்கு கொண்டு வரமுடியாமல் போனது. மேலும் ஊரடங்கு விலக்கப்பட்டாலும் முதலில் பெரிய நடிகர்களின் படங்களுக்கே தியேட்டர் உரிமையாளர்கள் முன்னுரிமைக் கொடுப்பார்கள் என்பதால் படத்தை நேரடியாக ஆன்லைன் ஸ்ட்ரீமிங் தளமான அமேசான் ப்ரைமிடம் 9 கோடி ரூபாய்க்கு வாங்கியுள்ளதாக செய்திகள் வெளியாகியுள்ளது.

இதற்கு இப்போது திரையுலகில் எதிர்ப்பு எழுந்துள்ளது. இது தொடர்பாக திரையரங்க உரிமையாளர்கள் சங்கத்தினர் படத்தின் தயாரிப்பாளர் சூர்யாவிடம் இதுபோல செய்யக்கூடாது என வேண்டுகோள் விடுத்ததாகவும், ஆனால் அதை அவர் ஏற்கவில்லை என்றும், அதனால் இனி அந்த நிறுவனம் தயாரிக்கும் எந்த படத்தையும் திரையிட மாட்டோம் எனத் தெரிவித்துள்ளனர்.

சினிமா துறையில் இது போன்ற பிரச்சனைகள் ஒன்றும் புதியது அல்ல , ஆரம்பத்தில் சில தயாரிப்பாளரிகளுக்கு இது போன்ற பிரச்சனைகள் எழுந்துள்ளது. பின்பு தங்களுக்குள் பேசி சரி செய்து கொள்வார்கள் என சினிமா தரப்பு வட்டாரங்கள் தெரிவிக்கின்றனர்.

Newstm.in