அரசியலில் திருப்பம்..! விஜய்யுடன் கை கோர்க்கும் ரங்கசாமி..?

நடிகர் விஜய் கடந்த ஆண்டு அரசியலில் அடி எடுத்து வைத்தார். தமிழக வெற்றிக் கழகம் என்ற கட்சியை அறிவித்த விஜய் அக்கட்சியின் முதல் மாநாட்டை பிரம்மாண்டமாக நடத்தினார்.

 இந்நிலையில் புதுச்சேரியின் ஆளும் கட்சியான என்ஆர் காங்கிரஸ் விஜய்யுடன் கூட்டணி வைக்க முடிவு செய்துள்ளதாக கூறப்படுகிறது.ஏற்கனவே விஜய்க்கும் புதுச்சேரி முதல்வர் ரங்கசாமிக்கும் இடையே நல்ல உறவு உள்ளது. இருவரும் இரண்டு மூன்று முறை சந்தித்துள்ளனர். இதனால் இரண்டு கட்சிகளும் ஒன்றுக்கு ஒன்று பலம் சேர்க்கும் வகையில் கூட்டணியுடன் தேர்தலை எதிர்கொள்ள திட்டமிட்டுள்ளதாக கூறப்படுகிறது. 

வரும் சட்டமன்ற தேர்தலில் பிரபல தேர்தல் வியூக வகுப்பாளரான பிரசாந்த் கிஷோர் உதவியுடன் விஜய் தேர்தலைஎதிர்கொள்ள உள்ளார். இந்நிலையில் என்ஆர் காங்கிரஸ் கட்சி தவெகவுடன் கூட்டணி வைத்து தமிழகத்தில் முதல்முறையாக போட்டியிடும் பட்சத்தில் அந்த கட்சிக்கு அது ஒரு பெரிய வாய்ப்பாக இருக்கும் என கருதப்படுகிறது. தவெக கட்சிக்கும் ஒரு மாநிலத்தின் ஆளும் கட்சி கூட்டணியுடன் தேர்தலை எதிர்கொள்வது, ஒரு வலுவான ஓப்பனிங் ஆக இருக்கும் என்றும் கூறப்படுகிறது.