இன்று முதல் ரயில் டிக்கெட் கட்டணம் உயர்வு.. இவர்களுக்கு பெரிய நிம்மதி..!

இந்திய ரயில்வே சில நாட்களுக்கு முன்பு ஒரு முக்கியமான அறிவிப்பை வெளியிட்டு தனது பயணிகளுக்கு அதிர்ச்சி கொடுத்தது. ஜூலை 1 முதல் நாடு முழுவதும் புதிய ரயில் கட்டண விகிதங்கள் அமல்படுத்தப்படும் என்று அறிவிக்கப்பட்டுள்ளது. இந்த முடிவு பயணிகளின், குறிப்பாக நீண்ட தூரம் பயணம் செய்பவர்களின் செலவை அதிகரிக்கும் என்பதால் பயணிகள் கவலை அடைந்துள்ளனர்.

மெயில் மற்றும் எக்ஸ்பிரஸ் (ஏசி அல்லாத) ரயில்களில் பயணிப்பவர்கள் இப்போது ஒவ்வொரு கிலோ மீட்டருக்கும் 1 பைசா அதிகமாக கட்டணம் செலுத்த வேண்டியிருக்கும். இந்த உயர்வு சிறியதாக இருந்தாலும் ண்ட தூரம் பயணிப்பவர்களின் பட்ஜெட்டை இது பாதிக்கும்.

ஏசி பயணத்திற்கு இந்திய ரயில்வேயால் அதிகபட்ச கட்டண உயர்வு செய்யப்பட்டுள்ளது. இதில், ஒவ்வொரு கிலோ மீட்டருக்கும் 2 பைசா அதிகமாக வசூலிக்கப்படும். எனவே, ஏசி வகுப்பில் பயணம் செய்வது இனி விலை உயர்ந்ததாக இருக்கும்.

புதிய கட்டண உயர்வின் தாக்கம் புறநகர் ரயில்களில் பயணிகளுக்கு இருக்காது. மேலும், மாதாந்திர சீசன் டிக்கெட்டுகளின் கட்டணங்களிலும் எந்த மாற்றமும் இருக்காது. எனவே, தினமும் பயணம் செய்யும் லட்சக்கணக்கான பயணிகளுக்கு இது ஒரு பெரிய நிம்மதியாக இருக்கும்.

ஜூலை 1 முதல் அமல்படுத்தப்படும் புதிய ரயில்வே கட்டணங்கள் சில பயணிகளின் செலவை அதிகரிக்கும் என்றாலும், தினசரி பயணிகளுக்கு சற்று நிவாரணம் இருக்கும்.