இன்று கோவை மாநகரில் போக்குவரத்து மாற்றம்..! 24 பள்ளிகளுக்கு விடுமுறை!

கோவையின் காவல் தெய்வமான கோனியம்மன் கோவில் தேர்திருவிழா இன்று (5.3.2025) நடைபெறுகிறது. இதற்காக கோவையில் மாநகர காவல் துறை சார்பில் போக்குவரத்து மாற்றம் செய்யப்பட்டுள்ளது.

இதுகுறித்து, மாநகர போலீஸ் வெளியிட்டுள்ள அறிக்கையில் கூறியுள்ளதாவது:-

பேரூரிலிருந்து நகருக்குள் வரும் வாகனங்கள், செல்வபுரம், பேரூர் பைபாஸ் ரோடு வழியாக உக்கடம் செல்லலாம்.

வைசியாள் வீதி வழியாக பேரூர் செல்லும் வாகனங்கள், உக்கடம், பேரூர் பைபாஸ் ரோடு, சிவாலயா சந்திப்பு வழியாக, பேரூர் ரோட்டை அடையலாம்.

மருதமலை ரோடு, தடாகம் ரோட்டில் இருந்து தெலுங்கு வீதி வழியாக வாகனங்கள் வர தடை செய்யப்படுகிறது. மாற்றாக, காந்திபார்க், பொன்னையராஜபுரம், சொக்கம்புதூர், ராமமூர்த்தி சாலை, சிவாலயா சந்திப்பு, அசோக் நகர் ரவுண்டானா வழியாக செல்லலாம்.

உக்கடத்திலிருந்து, ஒப்பணக்கார வீதி வழியாக, தடாகம் ரோடு, மேட்டுப்பாளையம் ரோடு, மருதமலை ரோடு செல்லும் அனைத்து வாகனங்களும், பேரூர் பைபாஸ் ரோடு, சிவாலயா சந்திப்பு, சொக்கம்புதூர், பொன்னையராஜபுரம் வழியாக தடாகம் சாலையை அடையலாம்.

சுக்கிரவார்பேட்டையில் இருந்து, தியாகி குமரன் வீதி வழியாக ராஜவீதிக்கு வாகனங்கள் செல்ல தடை விதிக்கப்படுகிறது.

கனரக மற்றும் சரக்கு வாகனங்கள், நாளை காலை 8:00 முதல் இரவு 10:00 மணி வரை நகருக்குள் வர தடை செய்யப்படுகிறது. தேர் திருவிழா நடைபெறும் ராஜவீதி, ஒப்பணக்கார வீதி, வைசியாள் வீதி, கே.ஜி., வீதி ஆகிய சாலைகளில், எந்த வாகனமும் நிறுத்த அனுமதி இல்லை.

இவ்வாறு அதில் தெரிவிக்கப்பட்டுள்ளது.

 தேர்த் திருவிழாவை முன்னிட்டு நிகழ்வு நடைபெறும் இடங்களுக்கு அருகே உள்ள பகுதிகளில் அமைந்துள்ள 24 பள்ளிகளுக்கு  05.03.2025 அன்று ஒரு நாள் விடுமுறை வழங்கப்படுவதாக கோவை மாவட்ட கலெக்டர் அறிவிதுள்ளார்.

அதேசமயம் 11ஆம் வகுப்பு அரசு பொதுத்தேர்வு நாளை காலை வழக்கம்போல் நடைபெறும் என்றும் அவர் தெரிவித்துள்ளார். 

விடுமுறை வழங்கப்படும் பள்ளிகள்:

1. CCMA மகளிர் மேல்நிலைப் பள்ளி - இராஜவீதி, 2. வீராசாமி முதலியார் உயர்நிலைப்பள்ளி - இராஜவீதி, 3. புனித மைக்கேல்ஸ் மேல்நிலைப் பள்ளி- இராஜவீதி,4. சௌடேஸ்வரி மெட்ரிக் மேல்நிலைப் பள்ளி. 5. SBOA மெட்ரிக் மேல்நிலைப் பள்ளி, 6. புனித ஃப்ரான்ஸிஸ் மகளிர் உயர்நிலைப் பள்ளி, 7. புனித ஜொசப் மெட்ரிக் மேல்நிலைப் பள்ளி, 8. புனித மெரீஸ் மேல்நிலைப் பள்ளி, 9. புனித மைக்கேல்ஸ் மெட்ரிக் உயர்நிலைப் பள்ளி, 10. மில்டன் மெட்ரிக் பள்ளி, 11. ஷ்ருஸ்டி வித்யாலயா, 12. வாசவி வித்யாலயா, 13. மதர்லாண்டு மெட்ரிக் மேல்நிலைப் பள்ளி, 14. T.E.LC நடுநிலைப் பள்ளி, 15. ICC நடுநிலைப் பள்ளி, 16. நல்லாயன் தொடக்கப் பள்ளி, 17. மாநகராட்சி மகளிர் மேல்நிலைப் பள்ளி - ஒப்பனக்காரர் வீதி, 18. ஆர்.கே.ஸ்ரீ ரங்கம்மாள் மேல்நிலைப் பள்ளி, 19. மாநகராட்சி மேல்நிலைப் பள்ளி கோவை நகரம் VH ரோடு, 20. CSI ஆண்கள் மேல்நிலைப் பள்ளி, 21. மன்பல் உலும் தொடக்கப் பள்ளி, 22.மன்பல் உலும் மேல்நிலைப் பள்ளி, 23,பிரசென்டேசன் கான்வென்ட் மகளிர் மேல்நிலைப் பள்ளி மற்றும் 24.மாரன்னகவுண்டர் உயர்நிலைப் பள்ளி.