நாளை வி.சி. கட்சியுடன் தி.மு.க. தொகுதி பங்கீடு..!

பாராளுமன்ற தேர்தலையொட்டி தி.மு.க. கூட்டணியில் தொகுதி பங்கீடு பேச்சுவார்த்தை நடைபெற்று வருகிறது. முதலில் இந்த கூட்டணியில் இடம் பெற்றுள்ள காங்கிரஸ் கட்சியுடனான தொகுதி பங்கீட்டு முதல்கட்ட பேச்சுவார்த்தை நேற்று நடைபெற்றது. 

அதை தொடர்ந்து விடுதலை சிறுத்தைகள் கட்சியுடன் நாளை 30-ம் தேதி தி.மு.க. தொகுதி பங்கீட்டு குழு பேச்சு நடத்தவுள்ளது. கடந்த தேர்தலில் விழுப்புரம், சிதம்பரம் ஆகிய 2 தொகுதிகள் விடுதலை சிறுத்தைகள் கட்சிக்கு ஒதுக்கப்பட்டது. இந்த இரண்டு தொகுதிகளிலும் விடுதலை சிறுத்தைகள் வெற்றி பெற்றது. இந்த தேர்தலில் 3 தொகுதிகள் கேட்க திருமாவளவன் திட்டமிட்டுள்ளதாக கூறப்படுகிறது.