இன்று குழந்தைகள் தினம்..! உங்கள் குழந்தைகளுக்கு சொல்லித்தர வேண்டிய முக்கிய விஷயங்கள்..!

1964ம் ஆண்டு ஜவஹர்லால் நேருவின் மறைவையொட்டி, இந்திய பாராளுமன்றம், நேருவின் பிறந்த நாளை குழந்தைகள் தினமாகக்கொண்டாட வேண்டும் என்று தீர்மானத்தை நிறைவேற்றியது.

குழந்தைகளின் கல்வி மற்றும் உரிமைகள், அவர்கள் அனைவர் மீது கவனம் செலுத்தவேண்டும் ஆகியவை குறித்து விழிப்புணர்வு ஏற்படுத்துவது இதன் நோக்கமாகும். ‘இன்றைய குழந்தைகளே நாளைய இந்தியாவின் சிற்பி’கள் என்று நேரு கூறினார். குழந்தைகள் நாளைய நாட்டை உருவாக்குகிறார்கள் என்பதன் முக்கியத்துவத்தை எடுத்துக்கூறும் வகையில் இதை அவர் கூறினார்.

பெற்றோர்கள் இந்த சிறப்பான நாளில் அவர்களின் குழந்தைகளுக்கான எதிர்கால பாதுகாப்பை எப்படி உருவாக்குவது, எதிலெல்லாம் முதலீடு செய்தால் குழந்தைகளின் எதிர்காலத்தை பாதுகாப்பாக வைக்க முடியும் என நிபுணர்கள் கூருகின்றனர்.

1. மாதம் குழந்தைகளுக்கு குறிப்பிட்ட தொகை கொடுக்க வேண்டும்!

பெற்றோர்கள் அனைத்தையும் தங்கள் பொறுப்பில் வைக்கலாம், ஆனால் மாதம் ஒரு குறிப்பிட்ட தொகையை அவர்களின் செலவுக்கு கொடுக்க வேண்டும். அதில் குழந்தைகள் எதற்கெல்லாம் செலவு செய்யலாம் என்பதை நீங்கள் அறிவுறுத்த வேண்டும். குழ்ந்தைகளுக்கு ஒரு தெளிவான புரிதலுக்கு வரும் நிலையில் மாதம் பட்ஜெட் தயாரிப்பதன் முக்கியத்துவத்தை கற்றுக் கொடுக்க வேண்டியது மிகவும் அவசியம்.

2. செலவுகளை பட்டியலிடுங்கள்

மாதம் மாதம் குழந்தைகளுக்கு ஆகும் பள்ளி செலவுகள் முதற்கொண்டு வீட்டுச் செலவுகள் அனைத்தையும் பட்டியலிட வேண்டும். சிறியவர்கள் முதல் பெரியவர்கள் வரை தங்கள் எல்லா செலவுகளையும் தினசரி எழுதி வைக்கும்படி பெரியவர்கள் குழந்தைகளிடம் கூற வேண்டும். அவர்கள் பணத்தை எங்கு செலவிட்டார்கள், அது மதிப்புள்ளதா என்பதைப் புரிந்துகொள்ள இது உதவும்.

3. சேமிக்கும் பழக்கத்தை உண்டாக்க வேண்டும்

குழந்தைகள் ஒரு பொம்மை வாங்க விரும்பினால், அதை அவர்களுக்காக நீங்கள் வாங்க வேண்டாம், அதற்கு பதிலாக அவர்களின் சேமிப்பிலிருந்து அதை அவர்களே வாங்கச் சொல்லுங்கள். தேவைகளையும் விருப்பங்களையும் வேறுபடுத்திப் பார்க்க அவர்களுக்குக் கற்றுக் கொடுங்கள், அதற்கேற்ப சேமிக்கச் சொல்லுங்கள்.

4. வங்கிக் கணக்கைத் திறக்கவும்

பல வங்கிகள் குறைந்தபட்ச இருப்பு இல்லாமல் குழந்தை நட்பு கணக்கை வழங்குகின்றன. உங்கள் குழந்தைகளை அங்கே சேர்த்து, அவர்களின் பணம் காலப்போக்கில் பெருகுவதை காணலாம். வங்கியின் செயல்பாடுகளைப் பற்றி அவர்களுக்குத் தெரிவிக்கவும். வட்டி மற்றும் பணத்தை சேமிப்பதற்காக வங்கிகள் எவ்வாறு நமக்கு வெகுமதி அளிக்கின்றன என்பதைப் பற்றியும் குழந்தைகளுடன் நீங்கள் விவாதிப்பது அவசியம்.