.png)
ஹெச் ராஜா ஸ்டைலில் பதிலைச் சொல்லி கிளம்பிய திருமா..!
திருமாவளவன் ஏற்கனவே பேசியிருந்த பழைய வீடியோ ஒன்று இன்று அவரது சமூக வலைதள பக்கத்தில் ஷேர் செய்யப்பட்டது. பின்னர் அந்த வீடியோ நீக்கப்பட்டது. இதனை தொடர்ந்து மீண்டும் இரண்டாவது முறையாக அந்த வீடியோ திருமாவளவனின் ட்வீட்டர் பக்கத்தில் பதிவு செய்யப்பட்டு இரண்டாவது முறையும் அந்த வீடியோ நீக்கப்பட்டது.
திருமாவளவனின் இந்த வீடியோ பெரும் பேசுபொருளானது. ஆட்சி அதிகாரத்தில் அதிகாரத்தில் பங்கு வேண்டும் என்று கோரிக்கையை முன்வைத்து தான் 1999 ஆம் ஆண்டு விசிக அரசியலில் களம் இறங்கியது என்றும் திருமாவளவன் அந்த வீடியோவில் பேசியிருந்தார். மது ஒழிப்பு மாநாட்டிற்கு எதிர் கட்சியான அதிமுகவுக்கு திருமாவளவன் அழைப்பு விடுத்திருந்தது பெரும் பரபரப்பை ஏற்படுத்தியது.
இந்நிலையில் முதல்வர் ஸ்டாலினிடம் ஆட்சி அதிகாரத்தில் விடுதலை சிறுத்தைகள் கட்சிக்கு பங்கு வேண்டும் என்று மறைமுகமாக கேட்கும் வகையில் திருமாவளவனின் ட்வீட்டர் பக்கத்தில் அந்த வீடியோ பதிவு செய்யப்பட்டு இருந்தது பெரும் பேசு பொருளான நிலையில் அந்த வீடியோ இரண்டு முறை பதிவு செய்யப்பட்டு இரண்டு முறையும் நீக்கப்பட்டது.
இந்நிலையில் மதுரை விமான நிலையத்தில் விசிக தலைவர் திருமாவளவன் செய்தியாளர்களை சந்தித்தார். அப்போது அவரது ட்விட்டர் பக்கத்தில் வெளியிடப்பட்டு நீக்கப்பட்ட வீடியோ குறித்து செய்தியாளர்கள் கேள்வி எழுப்பினர். அதற்கு பதில் அளித்த திருமாவளவன் தனது அட்மின் பதிவிட்டு இருக்கலாம் எனவும் தனக்கு எதுவும் தெரியாது என்றும் கூறினார்.
அப்போது ஆட்சி அதிகாரத்தில் பங்கு வேண்டும் என்ற நிலைபாட்டில் இருந்து மாறுபடுகிறீர்களா என்று செய்தியாளர்கள் கேள்வி எழுப்பினர். அதற்கு ஆட்சி அதிகாரத்தில் பங்கு என்பது நீண்ட காலமாக நாங்கள் வைக்கும் கோரிக்கைதான் என்று திருமாவளவன் பதில் அளித்தார். பின்னர் ஏன் இந்த வீடியோவை நீக்கினிர்கள் என்று செய்தியாளர்கள் கேள்வி எழுப்பியதற்கு அதுப்பற்றி எனக்கு தெரியாது, அட்மின் பதிவிட்டு நீக்கி இருக்கலாம் பார்த்துவிட்டு சொல்கிறேன் என ஹெச் ராஜா ஸ்டைலில் கூறிவிட்டு கிளம்பினார் திருமாவளவன்.