பெருமாளின் 24 நாமங்கள்...தினமும் சொன்னால் வாழ்நாள் முழுவதும் துன்பம் வராது..!

தினமும் அல்லது சனிக்கிழமைகளில் அல்லது பெருமாளுக்குரிய ஏகாதசி, திருவோணம் ஆகிய நாட்களிலும் விஷ்ணு சகஸ்ரநாமம் சொல்வது சிறப்பு. அந்த ஆயிரம் திருநாமங்களில் குறிப்பிட்ட 24 நாமங்கள் மிகவும் முக்கியத்துவம் பெற்றவை. இந்த எளிமையான 24 திருநாமங்களையும் காலையில் குளித்து முடித்த பிறகும், மாலையில் வீட்டில் விளக்கேற்றிய பிறகும் சொல்லி வரலாம்.

பெருமாளுக்கு துளசியும், சுத்தமான நீரும் நைவேத்தியமாக படைத்து இந்த திருநாமங்களை சொல்லி வழிபடுவது மிகவும் விசேஷம். இதன் மூலம் ஒருவரின் வாழ்நாள் முழுவதும் மனநிம்மதி ஏற்படுவதோடு, ராஜயோகம் ஏற்படும். வாழ்க்கைக்கு பிறகு நாராயணனின் திருவடிகளையும் பெரும் பாக்கியம் கிடைக்கும். வாழ்க்கையில் எந்த குறையும் ஏற்படாது. அத்தகைய சிறப்புமிக்க 24 திருநாமங்களை இங்கே பார்க்கலாம்.
ராஜயோகம் தரும் பெருமாளின் 24 திருநாமங்கள் :

ஓம் சங்கர்ஷனாய நமஹ
ஓம் நாராயணாய நமஹ
ஓம் வாசுதேவாய நமஹ
ஓம் மாதவாய நமஹ
ஓம் ப்ரத்யும்னாய நமஹ
ஓம் கோவிந்தாய நமஹ
ஓம் அனிருத்தாய நமஹ
ஓம் விஷ்ணவே நமஹ
ஓம் புருஷோத்தமாய நமஹ
ஓம் மதுசூதனாய நமஹ
ஓம் அதோக்ஷஜாய நமஹ
ஓம் த்ரிவிக்ரமாய நமஹ
ஓம் லட்சுமி நரசிம்ஹாய நமஹ
ஓம் வாமனாய நமஹ
ஓம் அச்சுதாய நமஹ
ஓம் ஸ்ரீதராய நமஹ
ஓம் ஜனார்தனாய நமஹ
ஓம் ஹ்ரிஷீகேசாய நமஹ
ஓம் உபேந்த்ராய நமஹ
ஓம் பத்மநாபாய நமஹ
ஓம் ஹரயே நமஹ
ஓம் தாமோதராய நமஹ
ஓம் ஸ்ரீ கிருஷ்ணாய நமஹ

அதே போல் பெருமாளுக்கு சென்று ஜடாரி வாங்கிய பிறகு, தீர்த்தம் வாங்கி பருகும் போது ஒரு குறிப்பிட்ட ஸ்லோகத்தை சொல்லுவதால் அந்த தீர்த்த பிரசாதத்தின் மகிமையை நாம் முழுவதுமாக பெற முடியும். பெருமாள் கோவில்களில் கொடுக்கப்படும் தீர்த்தம் என்பது கங்கை தீர்த்தத்திற்கு இணையான புண்ணியத்தை பெற்றதாகும். இந்த தீர்த்தத்தை வாங்கி பருகுவதால் நோய்கள், பாவங்கள், துன்பங்கள் ஆகியவை நீங்குவதாக ஐதீகம். விஷ்ணுவின் திருவடிகளை தொட்ட நீரை பருவதால் நினைத்து இந்த ஸ்லோகத்தை சொல்லி, தீர்த்தத்தை பருவதால் பெருமாளின் அருள் எப்போதும் நம்முடனேயே இருக்கும்.
பெருமாள் தீர்த்தம் பருகும் போது சொல்ல வேண்டிய ஸ்லோகம் :

அகால மிருத்யு ஹரணம்
ஸர்வ வியாதி நிவாரணம்
ஸமஸ்த பாப ஸமனம்
விஷ்ணு பாதோதகம் சுபம்.

பொருள்: அகால மரணத்தை அகற்றி சர்வ நோயையும், பாபத்தையும் நீக்குகிறது விஷ்ணு பாத ஜலம் என்று கூறி பருக வேண்டும்.