.png)
இனி டாஸ்மாக் கடைகளில் கியூ-ஆர் கோடுமூலம் மது விற்பனை..!
கூடுதல் விலைக்கு மது விற்பதை தடுக்கவும், தவறுகள் நடக்காமல் வெளிப்படை யாக விற்பனை செய்யவும் அரசு நடவடிக்கை எடுத்து வருகிறது.
கியூ ஆர் குறியீடை ஸ்கேன் செய்து மின்னணு பண பரிவர்த்தனையின் வழியாகப் பணம் செலுத்தி மதுபானங்களுக்கான பில்லை பெறும் வசதியைச் செயல்படுத்த டாஸ்மாக் நிறுவனம் கடந்த சில மாதங்களாக முயற்சி மேற்கொண்டது.
முதல் கட்டமாகச் சோதனை அடிப்படையில் இத்திட்டம் ராணிப்பேட்டை மாவட்டத்திற்கு உட்பட்ட அரக்கோணம் உள்ளிட்ட 7 கடைகளிலும், ராமநாதபுரத்தில் 7 கடைகளிலும் இன்று முதல் அறிமுகம் செய்யப்பட்டது.
இந்த 14 மதுக்கடைகளிலும் அச்சிடப்பட்ட பில்கள் இன்று முதல் வழங்கப்பட்டன. மேலும் மதுபானங்களில் கண்காணிப்பை உருவாக்கக் கலால் லேபில்களில் கியூ-ஆர் குறியீடுகளையும் அட்டைப் பெட்டிகளில் ஒரு பரிமாண பார்கோடுகளையும் சேர்த்துள்ளது.
இதுகுறித்து டாஸ்மாக் உயர் அதிகாரி ஒருவர் கூறியதாவது:-மது பாட்டிலில் அச்சிடப் பட்ட கியூ-ஆர் குறியீடு, விற்பனையாளர்களால் கை யடக்க கருவிமூலம் ஸ்கேன் செய்யப்பட்டவுடன் பில் அச்சிடப்பட்டு வெளிவரும். ஒவ்வொரு பாட்டிலுக்கும் தனித்தனி பில்கள் போடப்படும்.
2 மாவட்டங்களில் இந்தப் புதிய முறையை அறிமுகப் படுத்தியுள்ளோம். இதன் மூலம் பெறப்படும் கருத்துக் களை பொறுத்து தேவைப் பட்டால் கணினியை மறு வடிவமைப்போம். ஓரிரு மாதங்களில் எல்லா டாஸ்மாக் கடைகளிலும் கணினி மயமாக்கப்டும்.
தமிழகம் முழுவதும் 4,800 மதுக்கடைகள் செயல்பட்டு வருகின்றன. அனைத்து கடைகளையும் கணினி மயமாக்குவதன் மூலம் அதிகாரிகள் கண்கா ணிக்கவும், இருப்புகளை சரிபார்க்கவும் முடியும்.
இவ்வாறு அவர் கூறினார்.