தமிழக பெண்களுக்கு அரசு சொன்ன குட் நியூஸ்!கூடுதலாக இலவச பேருந்துகள் இயக்கம்!

சென்னையை பொறுத்தவரை  சுமார் 3200 பேருந்துகள் இயக்கப்பட்டு வரும்  நிலையில் இதில் 1500 பேருந்துகள் கட்டணமில்லா பேருந்துகள். இந்நிலையில் சமீப காலமாக சென்னையில் மாநகரப் பேருந்துகளில் செல்லும் பெண் பயணிகளின் எண்ணிக்கை   அதிகரித்து வருகிறது. இதனையடுத்து  தற்போது இலவச பேருந்துகளை அதிகரிக்க போக்குவரத்து கழகம் முடிவு செய்துள்ளது.வருவாய் குறைவான பேருந்துகளை மகளிருக்கான கட்டணமில்லா பேருந்துகளாக மாற்றும் திட்டம் உள்ளது.

அதன்படி சிவப்பு நிறத்தில் இயக்கப்பட்டு வரும் எக்ஸ்பிரஸ் பேருந்துகளும்  இலவச பேருந்துகளாக மாற்ற போக்குவரத்து கழகம் நடவடிக்கை எடுத்துள்ளது. இதன்படி 174 மாநகர பேருந்துகளை விடியல் பயணத்திட்ட பேருந்துகளாக மாற்றி பெண்களுக்கு இலவச பயணத்தை செயல்படுத்த திட்டமிட்டுள்ளனர்.  மேலும் இலவச மகளிர் பேருந்துகள் கூடுதலாக இயக்கப்பட்டால் இன்னும் கூடுதல் பெண்கள் பயன் அடைவார்கள் என எதிர்பார்க்கப்படுகிறது.

விடியல் பயண பேருந்துகளின் பயணியர் எண்ணிக்கையில் சராசரியாக 63 சதவீத பெண் பயணியர் எண்ணிக்கையாக உள்ளனர்.