மாதம் ரூ.20,500 வருமானம் கிடைக்கும் சூப்பர் திட்டம்..!

நமது நாட்டில் மூத்த குடிமக்களுக்கான பல வித திட்டங்கள் உள்ளன. அவற்றில் மிக பிரபலமான ஒன்று, தபால் நிலைய மூத்த குடிமக்கள் சேமிப்புத் திட்டம். ஓய்வு பெற்ற மூத்த குடிமக்கள், தங்கள் ஓய்வூதியப் பணத்தை நல்ல வருமானம் கிடைக்கும் இடத்தில் முதலீடு செய்ய விரும்பினால், இந்தத் திட்டம் அவர்களுக்கு ஒரு நல்ல தேர்வாக இருக்கும். இந்த திட்டம் நாட்டில் மிகவும் பிரபலமானதாக இருப்பதோடு மிகவும் பாதுகாப்பானதாகவும் உள்ளது. 

மூத்த குடிமக்கள் சேமிப்புத் திட்டத்தில் முதலீடு செய்யும் தொகைக்கு 8.2 சதவீத வட்டி கிடைக்கிறது. இந்தத் திட்டத்தில் முதலீடு செய்வதன் மூலம் மூத்த குடிமக்களும் பல சிறந்த நன்மைகளைப் பெறுகிறார்கள்.

முதலீட்டாளர்கள் தபால் அலுவலக மூத்த குடிமக்கள் சேமிப்புத் திட்டத்தில் மொத்தம் 5 ஆண்டுகளுக்கு முதலீடு செய்யலாம். இந்த திட்டத்தின் முதிர்வு காலம் 5 ஆண்டுகள் ஆகும். இருப்பினும், 5 ஆண்டுகள் முதலீடு செய்த பிறகு, முதலீட்டாளர்கள் தங்கள் முதலீட்டு காலத்தை மேலும் 3 ஆண்டுகளுக்கு நீட்டிக்க முடியும்.

இந்தத் திட்டத்தில் குறைந்தபட்சம் ரூ.1,000 முதலீடு செய்யலாம். அதிகபட்ச முதலீட்டு வரம்பு ரூ.30 லட்சமாக நிர்ணயிக்கப்பட்டுள்ளது. இந்தத் திட்டம் குறிப்பாக மூத்த குடிமக்களுக்காக நடத்தப்படுகிறது. இந்தக் காரணத்தினால், 60 வயதுக்கு மேற்பட்ட நாட்டின் குடிமக்கள் மட்டுமே இதில் முதலீடு செய்ய முடியும்.

நீங்கள் தபால் அலுவலக மூத்த குடிமக்கள் சேமிப்புத் திட்டத்தில் தனியாகவும் கூட்டாகவும் கணக்கைத் திறக்கலாம். இந்தத் திட்டத்தில், நீங்கள் ரூ.1 லட்சம் வரை ரொக்கமாக டெபாசிட் செய்யலாம்.

ரூ.1 லட்சத்திற்கு மேல் உள்ள தொகைகள் காசோலை மூலம் டெபாசிட் செய்யப்பட வேண்டும். மூத்த குடிமக்கள் சேமிப்புத் திட்டத்தில் முதலீடு செய்வதன் மூலம் வருமான வரி விலக்கும் பெறலாம். 

மூத்த குடிமக்கள் சேமிப்புத் திட்டத்தில், ஒவ்வொரு காலாண்டிலும் (மூன்று மாதங்களுக்கு ஒரு முறை) முதலீட்டாளர்களுக்கு வட்டி வழங்கப்படுகிறது. 

ரூ.30 லட்சம் முதலீடு செய்தால் வருமானம் எவ்வளவு கிடைக்கும்?

- முதலீட்டு தொகை: ரூ.30 லட்சம்
- ஆண்டு வட்டி விகிதம்: 8.2%
- காலாண்டு வட்டித் தொகை: ரூ.60,150
- மாத வருமானம்: ரூ.20,050

இந்த கணக்கின் படி, ரூ.30 லட்சம் முதலீடு செய்தால், 5 ஆண்டுகளில் வட்டியாக மட்டும் மொத்தம் ரூ.12.03 லட்சம் கிடைக்கும்.