ஜமீன் பல்லாவரம் பகுதியை சேர்ந்த ஏ.சி. மெக்கானிக்கான அப்துல் அகமது (வயது 17) என்ற சிறுவன் தனது அண்ணனின் மோட்டார் சைக்கிளில், நண்பரான மாணவர் சுஹேல் அகமது (15) என்ற சிறுவனை ஏற்றிக்கொண்டு பல்லாவரம் சந்தை சாலையில் மின்னல் வேகத்தில் சென்று ரீல்ஸ் எடுத்தார். அப்போது எதிர்திசையில் மோட்டார் சைக்கிளில் 3 பேர் வந்தனர். இரு மோட்டார் சைக்கிள்களும் திடீரென்று நேருக்கு நேர் மோதியதில் பெரும் விபத்து ஏற்பட்டது. இதில் 5 பேரும் தூக்கி வீசப்பட்டனர். இதில் சிறுவன் சுஹேல் அகமது சம்பவ இடத்திலேயே பரிதாபமாக இறந்தான். மேலும் 4 பேர் படுகாயம் அடைந்தனர்.