சிவனின் பக்தர்கள் விபூதி அணியும் மூன்று கிடைமட்ட கோடுகளுக்கு திரிபுண்டரம் என்று பெயர். சைவம் சார்ந்த சாஸ்திரங்களான பஸ்மஜபால உபநிடதம், பிரகஜ்ஜபால உபநிடதம் மற்றும் காலாக்னி ருத்ர உபநிடதம் ஆகியவை இந்த பழக்கத்தை பற்றி குறிப்பிடுகின்றன. இந்த பழக்கம் சைவ ஆகமங்களில் சொல்லப்பட்டுள்ளது. மனித உடல் உள்ளிட்ட அனைத்து பொருட்களும் ஒரு நாள் சாம்பலாக மாறும் என்பதை இது நினைவூட்டுகிறது. வாழ்க்கையின் உண்மையான குறிக்கோள் ஆன்மீகத்தை நோக்கி இருக்க வேண்டும் என்பதையும் இது உணர்த்துகிறது.

விபூதியை உடலில் பூசும் போது சிவ மந்திரங்கள் உச்சரிக்கப்படுகின்றன. காலாக்னி ருத்ர உபநிடதம் அத்தியாயம் 2, இந்த மூன்று கோடுகளும் பல்வேறு விஷயங்களை குறிப்பதாக விளக்குகிறது. அதாவது, வேதங்களில் உள்ள மூன்று புனித நெருப்புகள், ஓம் என்ற பிரணவ மந்திரத்தின் எழுத்துக்கள், மூன்று குணங்கள், மூன்று உலகங்கள், மூன்று வகையான ஆன்மாக்கள் மற்றும் சிவனின் மூன்று சக்திகள் ஆகியவற்றை குறிக்கிறது. மேலும், சிவனின் திரிசூலம், மும்மூர்த்திகளான பிரம்மா, விஷ்ணு, சிவன் மற்றும் அவர்களின் படைத்தல், காத்தல், அழித்தல் ஆகிய மூன்று கடமைகளையும் இது குறிக்கிறது. விபூதி ஆன்மாவை தூய்மைப்படுத்துகிறது, சிவ பக்தர்களை உயர்த்துகிறது, மேலும் அவர்களின் செயல்களை வெற்றிகரமாக ஆக்குகிறது என்று சிவ மகாபுராணம் கூறுகிறது.

வேதங்களில் சொல்லப்படும் 3 முக்கிய நெருப்புகள் :

- Garhapatya Agni: இது வீட்டு சமையலறையில் இருக்கும் புனித நெருப்பு.
- Dakshina Agni: இது முன்னோர்களுக்காக தெற்கு திசையில் வளர்க்கப்படும் நெருப்பு.
- Ahavaniya Agni: இது ஹோமங்களில் பயன்படுத்தப்படும் நெருப்பு.

இந்த மூன்று நெருப்புகளையும் திரிபுண்டரம் குறிக்கிறது.
 

மூன்று குணங்களான ராஜஸ், சத்வ, தமஸ். மூன்று உலகங்களான பூலோகம் - பூமி, புவர்லோகம் - பூமிக்கும் சொர்க்கத்திற்கும் இடைப்பட்ட வளிமண்டலம், சுவர்க்கலோகம் -சொர்க்கம். மூன்று வகையான ஆன்மாக்களான வெளி உடல், உள் ஆன்மா, உயர்ந்த ஆன்மா (பிரம்மன்). சிவனுக்குரிய மூன்று விதமான சக்திகளான இச்சாசக்தி - விருப்பம், ஞானசக்தி - அறிவு, கிரியாசக்தி - செயல். இந்த மூன்று சக்திகளும் சேர்ந்ததுதான் சிவனின் முழுமையான ஆற்றல். இந்த சக்திகளையும் திரிபுண்டரம் குறிக்கிறது.அதேபோல், ரிக், யஜுர், சாமம் ஆகிய மூன்று வேதங்களையும் (Atharva வேதத்தை தவிர்த்து) திரிபுண்டரம் குறிக்கிறது. சோம பானம் எடுக்கப்படும் மூன்று நேரங்களான காலை, மதியம், மாலை ஆகியவற்றை குறிக்கிறது. மகேஸ்வரன், சதாசிவன், சிவன் ஆகிய சிவனின் மூன்று வடிவங்களையும் இது குறிக்கிறது.

வேறு சில சைவ நூல்கள் திரிபுண்டரம் வேறு சில விஷயங்களையும் குறிக்கிறது என்று சொல்கின்றன. உதாரணமாக, சிவனின் திரிசூலம், பிரம்மா, விஷ்ணு, சிவன் ஆகிய மும்மூர்த்திகள் மற்றும் அவர்களின் வேலைகளான படைத்தல், காத்தல், அழித்தல் ஆகியவற்றை குறிக்கிறது. "தோலில் ஒட்டிக்கொள்ளும் ஒவ்வொரு சாம்பல் துகளும் ஒரு சிவலிங்கமாக கருதப்பட வேண்டும். விபூதி ஆன்மாவை சுத்தப்படுத்துகிறது, சிவ பக்தர்களை உயர்த்துகிறது, மேலும் அவர்களின் செயல்களை வெற்றிகரமாக ஆக்குகிறது" என சிவ மகாபுராணம் சொல்கிறது.

மூன்று கோடுகளின் மகிமை:

முதல் கோடு அகாரம், கார்ஹபத்யம், ரிக்வேதம், பூலோகம், ரஜோகுணம், ஆத்மா, க்ரியாசக்தி, அதிகாலை மந்திரத்தின் தேவதை மஹாதேவன் ஆகியவை அடங்கியது.

இரண்டாவது கோடு உகாரம், தக்ஷிணாக்னி, ஆகாயம், யஜுர்வேதம், சத்வகுணம், பகல்நேர மந்திரதேவதை இச்சாசக்தி, அந்தராத்மா, மகேஸ்வரன் ஆகியோர் இதில் உள்ளனர்.

மூன்றாவது கோடு மகாரம், ஆஹவனீயம், பரமாத்மா, தமோகுணம், சுவர்க்கம், ஞானசக்தி, ஸாமவேதம், மாலைநேர மந்திர தேவதை, சிவன் ஆகியோர் இதில் உள்ளனர்.