பிரபல தென் கொரிய நடிகை மர்ம மரணம்..!

2009 ஆம் ஆண்டு குழந்தை நட்சத்திரமாக திரையுலகில் அறிமுகமாகி தி பிராண்ட் நியூ லைஃப், தி நெய்பர்ஸ், சீக்ரெட் ஹீலர், தி வில்லேஜர்ஸ் போன்ற படங்களில் நடித்து பிரபலமடைந்தவர் பிரபல தென் கொரிய நடிகை கிம் சே ரன்.

தி மேன் ஃப்ரம் நோவேர்’ படத்தில் அவர் கடத்தப்பட்ட குழந்தையாக நடித்து மக்களிடம் பெரும் வரவேற்பைப் பெற்றார். இதனைத் தொடர்ந்து பல படங்களில் நடித்த இவர் விருதுகளை அள்ளிக் குவித்தார்.

கடந்த 2022ம் ஆண்டு, மது போதையில் வாகனம் ஓட்டிய விவகாரத்திற்காக இவருக்கு 20 மில்லியன் வொன் (சுமார் $13,800) அபராதம் விதிக்கப்பட்டது. அதன் பிறகு, அவர் மீது மக்கள் எதிர்மறையான எண்ணங்களை கொண்டிருந்ததாக கூறப்படுகிறது. இதனால் புதிய திரைப்பட வாய்ப்புகள் கிடைக்காமல் இவர் சிரமங்களை சந்தித்தாகவும் சொல்லப்படுகிறது.

இந்நிலையில் இன்று (பிப்.16) சியோலில் உள்ள கிம் சே ரன்னின் வீட்டில் அவர் இறந்து கிடந்துள்ளார். அவரது மரணத்திற்கான காரணம் பிரேத பரிசோதனைக்குப் பிறகு தெரியவரும் என்று போலீசார் தெரிவித்துள்ளனர்.

கிம் சே-ரோனின் மரணத்தில் சந்தேகப்படும்படி எதுவும் கண்டறியப்படவில்லை எனவும், அவர் உயிரை மாய்த்துக் கொண்டிருக்கலாம் எனவும் அந்நாட்டு போலீசார் விளக்கம் அளித்துள்ளனர். கிம் சே-ரோனின் மரணம் திரைப் பிரபலங்கள், ரசிகர்களிடையே அதிர்ச்சியையும் துயரத்தையும் ஏற்படுத்தியுள்ளது.