இவர்கள் எல்லாம் மாதுளை பழம் சாப்பிட கூடாது?

மாதுளை பழத்தில் ஏராளமான ஊட்டச்சத்துக்கள் இருக்கின்றன. ஒரு மீடியம் சைஸ் மாதுளை பழத்தில் 234 கலோரிகள் வரை இருக்கின்றன.
ரத்த அழுத்தப் பிரச்சினை
மாதுளை பழத்திற்கு ரத்த அழுத்தத்தின் அளவைக் குறைக்கும் தன்மை உண்டு. அதனால் ரத்த அழுத்தம் தொடர்பான பிரச்சினை உள்ளவர்கள் மாதுளை பழத்தை கொஞ்சம் கவனமாக எடுத்துக் கொள்ள வேண்டும்.குறிப்பாக குறைந்த ரத்த அழுத்தப் பிரச்சினை உடையவர்கள் மற்றும் உயர் ரத்த அழுத்தத்துக்காக மருந்துகள் எடுத்துக் கொள்பவர்கள் மாதுளை பழத்தை தினசரி உணவில் சேர்த்துக் கொள்வதற்கு முன்பு உங்களுடைய மருத்துவரிடம் ஆலோசனை பெறுவது நல்லது.
கல்லீரல் பிரச்சினைகள்
கொழுப்பு கல்லீரல் அல்லது கொலஸ்டிரால் பிரச்சினைகளுக்காக மருந்துகள் எடுத்துக் கொள்பவர்களுக்கு சில சமயங்களில் அந்த மருந்துகளின் தாக்கமே கல்லீரலின் செயல்திறனைக் குறைக்கச் செய்யும்.மாதுளைக்கும் கல்லீரலின் இயல்திறனைக் குறைக்கும் தன்மையுண்டு. அதனால் இதுபோன்ற மருந்துகளை எடுத்துக் கொள்பவர்கள் மாதுளையை எடுத்துக் கொள்வதை தவிர்க்கலாம்.
சிறுநீரகப் பிரச்சினைகள்
மாதுளை பழத்தில் மிக அதிக அளவில் பொட்டாசியம் இருக்கிறது. இயல்பாகவே அதிக பொட்டாசியம் சிறுநீரகத்தில் செயல்பாட்டை மெதுவாக்கும்.
அதனால் ஏற்கனவே சிறுநீரகக் கோளாறு உள்ளவர்கள் மாதுளை பழத்தை அதிகமாக எடுத்துக் கொள்வதைத் தவிர்த்திடுங்கள்.
ஜீரணக் கோளாறுகள்
மாதுளைப் பழத்தில் அதிக அளவு நார்ச்சத்துக்கள் இருக்கின்றன. சிலருக்கு அதிகமாக நார்ச்சத்து எடுக்கும்போது ஒவ்வாமையால் டயேரியா உள்ளிட்ட பிரச்சினைகள் உண்டாகும்.
அதுபோன்ற பிரச்சினை உள்ளவர்கள் மாதுளை பழத்தை அதிகமாக எடுப்பதை தவிர்ப்பது நல்லது. அதேபோல அழற்சி பிரச்சினை இருப்பவர்களும் தவிர்ப்பது நல்லது.
குழந்தைகளுக்கு
மாதுளை பழம் அனீமியா வராமல் தடுக்கும். நோயெதிர்ப்பு ஆற்றலை பலப்படுத்தும் என்பது உண்மை தான்.
ஆனால் இரண்டு வயதுக்கு குறைவாக உள்ள குழந்தைகளுக்கு மாதுளை பழம் கொடுப்பதை மருத்துவர்கள் பரிந்துரை செய்வதில்லை.
கர்ப்பிணி பெண்கள்
கர்ப்பிணி பெண்கள் மிதமான அளவில் மாதுளையை மாக எடுத்துக் கொள்ளலாம்.
ஆனால் மாதுளையை ஜூஸாக எடுத்துக் கொள்வதைத் தவிர்த்திடுங்கள்.
அறுவை சிகிச்சை செய்து கொண்டவர்கள்
எந்த வகை அறுவை சிகிச்சையாக இருந்தாலும் அதற்கு இரண்டு வாரத்துக்கு முன்னதாக மாதுளை எடுத்துக் கொள்வதை தவிர்த்திடுங்கள்.
Coumadin, Crestor உள்ளிட்ட கொலஸ்டிரால் மற்றும் ரத்த அழுத்தத்தை சீராக்கும் மருந்துகள் எடுத்துக் கொள்பவர்கள் மாதுளை உட்கொள்வதை தவிர்ப்பது நல்லது.
இறுதியாக,
எந்த உணவாக இருந்தாலும் அளவோடு எடுப்பது நல்லது. அதிலும் நீரிழிவு பிரச்சினை உள்ளவர்கள் மாதுளையில் கார்போஹைட்ரேட் மிக அதிகம், சர்க்கரையும் அதிகம் என்பதை மனதில் வைத்துக் கொண்டு வாரத்திற்கு 1-2 நாட்கள் மிகக் குறைவாக எடுத்துக் கொள்வது சிறந்தது.