.png)
மூத்த பாஜக தலைவர் திடீர் ராஜினாமா..!
தெலங்கானாவில் வரும் 30-ம் தேதி சட்டப்பேரவை தேர்தல் நடைபெறவுள்ளது. இதற்காக அங்கு ஆளும் கட்சியாக உள்ள பாரத் ராஷ்டிரிய சமிதி, பாஜக மற்றும் காங்கிரஸ் கட்சி வேட்பாளர்கள் தீவிர தேர்தல் பிரசாரத்தில் ஈடுபட்டு வருகின்றனர்.
இந்த நிலையில் முன்னாள் எம்.பியும், பாஜகவின் தேசிய செயற்குழு உறுப்பினருமான டாக்டர் ஜி. விவேக் வெங்கட்சாமி தனது மகனுக்கு சீட் கேட்டதாகவும் அதற்கு பாஜக தலைமை மறுத்தாகக் கூறப்படுகிறது. இதனால் அதிருப்தியில் இருந்த விவேக், தாய் கட்சியான காங்கிரஸில் மீண்டும் இணையப் போவதாக தகவல் வெளியானது.
ஆனால் அதனை கடந்த செவ்வாய் அன்று விவேக் மறுத்து அறிக்கை வெளியிட்டார். அதில் தான் காங்கிரஸ் தலைவர்களுடன் எந்தவிதமான தொடர்பிலும் இல்லை என்றும், தற்போது அமெரிக்காவில் உள்ளதாக கூறியிருந்தார். இந்த நிலையில், பாஜகவில் இருந்து தான் விலகுவதாக தேசிய தலைமைக்கு அவர் கடிதம் எழுதியுள்ளது தெலங்கானா அரசியலில் பெரும் பரபரப்பை ஏற்படுத்தியுள்ளது.
ராஜினாமா செய்துள்ள விவேக், காங்கிரஸில் மீண்டும் இணைந்து சட்டப்பேரவைத் தேர்தலில் போட்டியிடப் போவதாக தகவல் வெளியாகியுள்ளது.
