கோவை சரளா ஸ்டைலில் சீமான் கலகல பேச்சு..!

மீனவர்கள் எல்லை தாண்டி வருகின்றனர் என்பது பிரச்னையாகப் பார்க்கப்படுவதில்லை. அவர்கள் தமிழர்கள் என்பதாலேயே தொடர்ந்து தாக்கப்படுகின்றனர். 39 எம்.பி., க்கள் என்ன செய்கின்றனர், 880 தமிழக மீனவர்கள் சுட்டுக் கொல்லப்பட்டு உள்ளனர். மத்திய, மாநில அரசுகள் என்ன நடவடிக்கை எடுத்துள்ளது?

‘தேர்தலில் தனித்துப் போட்டியிட்ட நாங்கள் பெற்ற ஓட்டுக்களை காங்கிரசால் பெற முடியுமா? தேர்தலுக்கு இன்னமும் 2 ஆண்டுகள் உள்ளதால் பின்னர் அதைப் பற்றிப் பேசலாம்’ என்றார் சீமான்.

அப்போது நிருபர் ஒருவர், 2026ம் ஆண்டு நடிகர் விஜய்யின் தமிழக வெற்றிக் கழகத்துடன் கூட்டணி இருக்கிறதா, இல்லையா என்பது பற்றிய கேள்வி ஒன்றை எழுப்பினார்.

2026ம் ஆண்டு தேர்தலில் நாங்கள் தனித்து தான் போட்டியிடுவோம். அதையே திரும்ப, திரும்பக் கேட்கக் கூடாது. என்னுடன் கூட்டணி சேர வேண்டும் என்பதை என்னோடு சேர விரும்புவர்கள் தான் முடிவு செய்ய வேண்டும். நான் இவருடன் கூட்டணி சேர போகிறேன், அவருடன் கூட்டணி வைக்கப் போகிறேன் என்று சொல்பவன் அல்ல.

என்னைச் சின்னமனூரில் கேட்டாக, மதுரையில் கூப்டாக என்று நடிகை கோவை சரளா போலப் பேசிக்கொண்டு இருக்க நான் தயாராக இல்லை. என் பாதை தனி, பயணம் தனி, எனக்கு ஒரு கனவு இருக்கு, பூமியின் சொர்க்கமாக என் நாட்டை நான் படைக்க ஆசைப்படுகிறேன்.

அதற்காக இவருடன் கூட்டணி, அவருடன் கூட்டணி என்று சேரப்போவதில்லை. என்னோடு சேர்ந்தால் நாடும், மக்களும் நன்றாக இருப்பார்கள் என்று நினைத்தால் வரலாம், அது யாராக இருந்தாலும் சரி. இல்லை என்றால் ஆளை விடுங்க. நான் என் மக்களை முழுமையாக நேசிக்கிறேன், நம்புகிறேன் என்று கூறினார்.