ரூ. 21 லட்சம் தரும் போஸ்ட் ஆபீஸின் அசத்தல் திட்டம்..! வெறும் 10 ரூபாயில் இருந்து ஆரம்பிக்கலாம்..!

 போஸ்ட் ஆபீஸில் உள்ள திட்டங்களில் RD மிகவும் பிரபலமான சேமிப்பு பிளானாக உள்ளது. ரெக்கரிங் டெபாசிட் திட்டம் ஃபிக்சட் முதலீடு மற்றும் பிற நீண்ட கால திட்டங்களுக்கு மாற்றாக உள்ளது. தபால் நிலையங்களில் ரெக்கரிங் டெபாசிட் திட்டத்திற்கு தற்போது வருடத்திற்கு 6.70 சதவிகித வட்டி வீதம் வழங்கப்படுகிறது.

மெச்சூரிட்டி தேதி வரை ரெக்கரிங் டெபாசிட் திட்டத்தில் பணம் தொடர்ந்து அதிகரித்து கொண்டே வரும். இத்திட்டத்திற்கு 5 ஆண்டு கால அளவு நிர்ணயம் செய்யப்பட்டுள்ளத்து. இதனை நீட்டித்து கொள்ளும் வசதியும் உள்ளது. முதலீட்டாளர் நினைத்தால் இந்த கால அளவை அதிகரித்து கொள்ளலாம். மூன்று மாதங்களுக்கு ஒரு முறை வட்டிக்கு வட்டி என்ற கணக்கில் ரெக்கரிங் டெபாசிட் திட்டத்தில் வட்டி கணக்கிடப்படும்.

ஒவ்வொரு மாதமும் ரெக்கரிங் டெபாசிட் திட்டத்தில் ஒருவர் ரூ. 30,000 தொகையை முதலீடு செய்யும் போது, ரிட்டனாக ரூ. 21 லட்சம் கிடைக்கும். அதாவது முப்பதாயிரம் டெபாசிட் செய்யும் போது, 6.7% என்ற அளவில் வட்டி மட்டுமே ரூ. 3,40,974 கொடுக்கப்படும். இதனால் ஐந்தாண்டு மெச்சூரிட்டி காலத்திற்கு பிறகு ரூ. 21,40,074 தொகையை முதலீட்டாளர் பெறலாம்.

ரெக்கரிங் டெபாசிட் திட்டத்தில் 5 வருடங்களுக்கு பிறகு மேலும் ஐந்தாண்டுகள் நீட்டித்து கொள்ளும் வசதி உள்ளது. இதனால் மொத்த கால அளவு 10 வருடங்களாக இருக்கும். ஒரு மாதத்திற்கு குறைந்தபட்சமாக 10 ரூபாய் என இத்திட்டத்தில் ஒருவர் டெபாசிட் செய்யலாம். அதிகபட்சமாக எந்தவொரு வரம்பும் நிர்ணயம் செய்யப்படவில்லை. எவ்வளவு வேண்டுமானாலும் டெபாசிட் செய்து கொள்ளலாம் என்பது குறிப்பிடத்தக்கது.