10ம் வகுப்பு பொதுத்தேர்வு 9,13,036 லட்சம் மாணவர்கள் எழுத அனுமதிக்கப்பட்டனர். இதில் 12,480 பள்ளிகளில் இருந்து 8,87,148 மாணவர்களும், தனித்தேர்வர்களாக 25,888 மாணவர்களும் மற்றும் 272 சிறை கைதிகளும் அடங்குவர். இதற்கான மாநிலம் முழுவதும் 4,113 தேர்வு மையங்கள் அமைக்கப்பட்டு தேர்வு நடைபெற்றது.

11-ம் வகுப்பு பொதுத்தேர்வை எழுத 8,23,261 மாணவர்கள் அனுமதிக்கப்பட்டனர். மாநிலம் முழுவதும் 3,316 தேர்வு மையங்கள் அமைக்கப்பட்டு தேர்வு நடைபெற்றது. ஒவ்வொரு தேர்விற்கு தேர்வு அறை கண்காணிப்பாளர் பணியில் 45,000 அதிகமான ஆசிரியர்கள் ஈடுபடுத்தப்படுத்தப்பட்டனர். தேர்வு முறைகேடுகளை தடுக்க 4,858 நிலையான மற்றும் பறக்கும் படை அமைக்கப்பட்டன.

10 மற்றும் 11-ம் வகுப்பு விடைத்தாள் திருத்தும் பணி ஏப்ரல் 21 முதல் தொடங்கி ஏப்ரல் 30-ம் தேதி வரை நடைபெற்றது. மாநிலம் முழுவதும் 80-க்கும் ஏற்பட்ட தேர்வு முகாம்கள் அமைக்கப்பட்டு இப்பணிகள் நடத்தப்பட்டு, முடிவடைந்தது. தொடர்ந்து, முடிவுகள் இணையதளத்தில் பதிவேற்றம் செய்யப்பட்டு தயார்நிலையில் உள்ளன. மே 19-ம் தேதி முடிவுகளை வெளியிட திட்டமிட்டிருந்த நிலையில், மே 16-ம் தேதியே வெளியிட முடிவெடுக்கப்பட்டு அதிகாரப்பூர்வ அறிவிப்பு வெளியிடப்பட்டது.

10-ம் வகுப்பு பொதுத்தேர்வு முடிவுகள் நாளை காலை 10 மணிக்கும், 11-ம் வகுப்பு முடிவுகள் பிற்பகல் 2 மணிக்கும் வெளியிடப்பட உள்ளது.

10 மற்றும் 11-ம் வகுப்பு மாணவர்கள் முடிவுகளை https://tnresults.nic.in/ மற்றும் https://results.digilocker.gov.in/ ஆகிய இரண்டு அதிகாரப்பூர்வ இணையதளத்தில் நேரடியாக அறிந்துகொள்ளலாம்.

படி 1 : https://tnresults.nic.in/ என்ற இணையதளத்திற்கு செல்லவும்.

படி 2 : அதில் “TN SSLC Class Xth Std Results அல்லது HSE(+1) Results என இருப்பதை கிளிக் செய்யவும்.

படி 3 : அதில் மாணவர்களின் பதிவு எண் (Register Number) மற்றும் பிறந்த தேதி (Date Of Birth) ஆகியவற்றை உள்ளிடவும்.

படி 4 : தொடர்ந்து, Get Marks என்பதை கிளிக் செய்யவும். முடிவுகளை மாணவர்கள் திரையில் அறிந்துகொள்ளலாம்.

மாணவர்கள் மத்திய அரசின் DigiLocker வழியாகவும் முடிவுகளை விரைவாக அறிந்துகொள்ளலாம்.

படி 1 : https://results.digilocker.gov.in/ என்ற இணையதளத்திற்கு செல்லவும்.

படி 2 : அதில் State Board of Tamil Nadu என்று இருப்பதில் SSLC/ Class X Result என இருப்பதை கிளிக் செய்யவும்.

படி 3 : தொடர்ந்து, மாணவர்கள் பதிவு எண் மற்றும் பிறந்த தேதி ஆகியவற்றை உள்ளிட்டு முடிவுகளை அறிந்துகொள்ளலாம்.

10 மற்றும் 11-ம் வகுப்பு மாணவர்களுக்கு குறுஞ்செய்தி மூலமாகவும் முடிவுகள் அனுபப்படும். பள்ளி மாணவர்கள் அவர்கள் பயின்ற பள்ளிகளில் சமர்பித்த உறுதிமொழிப்படிவத்தில் குறிப்பிட்டுள்ள கைப்பேசி எண்ணிற்கும், தனித்தேர்வர்களுக்கு ஆன்லைனில் விண்ணப்பிக்கும்போது வழங்கிய கைப்பேசி எண்ணிற்கும் குறுஞ்செய்தி (SMS) வழியாக தேர்வு முடிவுகள் அனுப்பப்படும் என தெரிவிக்கப்பட்டுள்ளது.

இவையில்லாமல், ஒவ்வொரு மாவட்டத்திலும் மாவட்ட ஆட்சியர் அலுவலகத்தில் இயக்கும் தேசிய தகவலியல் மையங்களிலும், அனைத்து மைய மற்றும் கிளை நூலகங்களிலும் கட்டணமின்றி தேர்வு முடிவுகளை அறிந்துகொள்ளலாம்.

தமிழ்நாடு அரசுத் தேர்வுகள் இயக்ககம் மூலம் வெளியிடப்பட்டுள்ள TN SSLC (10th STD) Results மற்றும் TN HSE(+1) Results என்ற App மூலமும் முடிவுகளை அறிந்துகொள்ளலாம். கூகுள் பிளே ஸ்டோர் வழியாக ஆப்-பை பதிவிறக்கம் செய்துகொள்ளலாம்.

படி 1 : ஆப்-பை பதிவிறக்கம் செய்யவும்.
படி 2 : ஆப்-பை திறந்தவுடன் View Your HSE (+2) Result என இருப்பதை கிளிக் செய்யவும்.
படி 3 : அதனைத்தொடர்ந்து, Register No மற்றும் Date of Birth உள்ளிட வேண்டும்.
படி 4 : தொடர்ந்து, Get Marks என்பதை கிளிக் செய்து முடிவுகளை அறிந்துகொள்ளலாம்.

10-ம் வகுப்பு மாணவர்கள் முடிவுகளை வெளியானதும், மேல்நிலை கல்வியில் என்ன படிக்க விரும்புகிறார்களோ அந்த பாடப்பிரிவை தேர்வு செய்து 11-ம் வகுப்பில் சேரலாம். 11-ம் வகுப்பு மாணவர்கள் தொடர்ந்து, 12-ம் வகுப்பிற்கு அனுப்பப்படுவார்கள். இதில் தேர்ச்சி பெறாத மாணவர்களுக்கு துணைத்தேர்வு எழுத வாய்ப்பு அளிக்கப்படும். மதிப்பெண்கள் மீது திருப்தி அடையாத மாணவர்கள் மறுகூட்டல்/ மறுமதிப்பீட்டிற்கு அனுமதிக்கப்படுவார்கள். இந்தாண்டு நேரடியாக விண்ணப்பிக்கும் முறை ரத்து செய்யப்பட்டுள்ளது. எனவே, முதலில் விடைத்தாள் நகல்களை விண்ணப்பித்து பெற்றுகொண்ட பிறகு மறுக்கூட்டல்/ மறுமதிப்பீட்டிற்கு விண்ணப்பிக்கலாம்.