பொதுமக்கள் ஷாக்..! புது உச்சத்தை தொட்ட தங்கம் விலை..!

தங்கம் விலை தொடர்ந்து மூன்றாவது நாளாக இன்றும்  உயர்ந்துள்ளது. 

நேற்று (மார்ச் 28) தங்கம் விலை கிராமுக்கு அதிரடியாக ரூ.105 உயர்ந்து, ஒரு கிராம் ரூ.8,340-க்கும், சவரனுக்கு ரூ.840 உயர்ந்து ஒரு சவரன் ரூ.66,720-க்கும் விற்பனை செய்யப்பட்டது.

இந்த நிலையில், இன்று மீண்டும் தங்கம் விலை அதிரடியாக உயர்ந்து புதிய உச்சத்தை நெருங்கி வருகிறது. சென்னையில் இன்று 22 கேரட் ஆபரணத் தங்கத்தின் விலை இன்று (மார்ச் 29) ஒரு சவரன் ரூ.160 உயர்ந்து ரூ.66,880 விற்பனை செய்யப்படுகிறது. ஒரு கிராம் தங்கத்தின் விலை கிராமுக்கு ரூ.20 உயர்ந்து ரூ.8,360க்கு விற்பனையாகிறது.

வெள்ளி விலை மட்டும் கிராமுக்கு ரூ.1 குறைந்து, ஒரு கிராம் வெள்ளி ரூ.113-க்கும், ஒரு கிலோ வெள்ளி ரூ.1,13,000-க்கும் விற்பனை செய்யப்படுகிறது.