பொது விடுமுறை பட்டியல் அறிவிப்பு..! ஞாயிற்றுக்கிழமை வரும் பண்டிகை நாட்கள் எத்தனை தெரியுமா?

2025ஆம் ஆண்டு தொடங்க இருக்கும் நிலையில் பொது விடுமுறை நாட்கள் குறித்த பட்டியலை தமிழ்நாடு அரசு வெளியிட்டுள்ளது.ஜனவரி ஒன்றாம் தேதி முதல் டிசம்பர் 25 கிறிஸ்துமஸ் பண்டிகை வரை 24 நாட்கள் கொண்ட விடுமுறை பட்டியலை வெளியிட்டுள்ளார் தமிழ்நாடு அரசின் தலைமை செயலாளரான முருகானந்தம்.

ஜனவரி 1- ஆங்கில புத்தாண்டு, ஜனவரி 14 - தேதி பொங்கல் பண்டிகை, ஜனவரி 15 - திருவள்ளுவர் தினம், ஜனவரி 16-உழவர் திருநாள், ஜனவரி 26 - குடியரசு தினம், பிப்ரவரி 11 - தைப்பூசம், மார்ச் 30 - தெலுங்கு வருடப் பிறப்பு, மார்ச் 31 - ரம்ஜான் பண்டிகை, ஏப்ரல் 1 - வங்கி ஆண்டு கணக்கு முடிவு, ஏப்ரல் 10 - மகாவீர் ஜெயந்தி, ஏப்ரல் 14 - தமிழ் புத்தாண்டு, ஏப்ரல் 18 - புனித வெள்ளி, மே 1 - மே தினம்.

ஜூன் 7 - பக்ரீத் பண்டிகை, ஜூலை 6 - மொகரம் பண்டிகை, ஆகஸ்ட் 15 - சுதந்திர தினம், ஆகஸ்ட் 16 - கிருஷ்ண ஜெயந்தி, ஆகஸ்ட் 27 - விநாயகர் சதுர்த்தி, செப்டம்பர் 5 - மிலாது நபி, அக்டோபர் 1 - ஆயுத பூஜை, அக்டோபர் 2 - விஜயதசமி, அக்டோபர் 2 - காந்தி ஜெயந்தி, அக்டோபர் 20 - தீபாவளி பண்டிகை, டிசம்பர் 25 கிறிஸ்துமஸ்" ஆகிய நாட்களில் விடுமுறை அளிக்கப்பட்டுள்ளது.

மேலும் 2025ஆம் ஆண்டில் அனைத்து சனி மற்றும் ஞாயிற்றுக்கிழமைகளும் பொது விடுமுறை நாட்களாக அறிவிக்கப்பட்டுள்ளது. அதிகபட்சமாக ஜனவரியில் ஐந்து நாட்கள் பொது விடுமுறையாகவும், ஏப்ரல் மற்றும் அக்டோபர் மாதங்களில் நான்கு பொது விடுமுறை நாட்கள் வருகிறது. குடியரசு தினம், தெலுங்கு வருட பிறப்பு, மொகரம் பண்டிகை ஆகிய விடுமுறைகள் ஞாயிற்றுக்கிழமைகளில் வருகிறது.