.png)
போருக்கு நடுவே காசாவில் போலியோ முகாம் நாளை நடத்தப்படும்..!
இஸ்ரேல்-ஹமாஸ் இடையே போர் நடைபெற்று வருகிறது. இந்த போரில் இஸ்ரேல் ராணுவத்தால் ஹமாஸ், ஹிஸ்புல்லா ஆகிய பயங்கரவாத அமைப்பு தலைவர்கள் கொல்லப்பட்டுள்ளனா். இதற்கு பதிலடி கொடுக்கும் வகையில் இஸ்ரேல் மீது பயங்கரவாத அமைப்புகள் தாக்குதல் நடத்தி வருகிறது.
இந்த போரில் ஹமாஸ் மற்றும் ஹிஸ்புல்லாவுக்கு ஆதரவாக அக்டோபர் 1 ஆம் தேதி ஈரான் தரப்பில் இஸ்ரேல் மீது பாலிஸ்டிக் ஏவுகணைகள் கொண்டு தாக்குதல்கள் நடத்தப்பட்டன. இந்த தாக்குதலுக்கு கடந்த வாரம் இஸ்ரேல் பதிலடி கொடுத்தது. அப்போது ஈரானின் மின்உற்பத்தி மையங்கள் மற்றும் குடியிருப்புகளை குறிவைத்து தாக்குதல் நடத்தியது.
இந்த தாக்குதலை சற்றும் எதிர்பார்க்காத ஈரான் இதற்கு எப்போது வேண்டுமானாலும் பதிலடி கொடுக்கலாம் என எதிர்பா்ாக்கப்படுகிறது. ஏற்கனே இஸ்ரேலை தாக்க கூடாது என ஈரானுக்கு அமெரிக்கா உள்ளிட்ட நாடுகள் எச்சரிக்கை விடுத்துள்ளது. இந்த நிலையில் ஈரானின் உச்சபட்ச தலைவர் இஸ்ரேலுக்கு பதிலடி கொடுப்போம் என கூறி இருந்தார்.
இந்த போரை முடிவுக்கு கொண்டு வருவதற்கு இந்தியா, அமெரிக்கா போன்ற நாடுகள் தீவிரமாக முயற்சி செய்து வருகின்றன. எனினும் அமைதி பேச்சுவார்த்தைக்கு இருதரப்பும் ஒத்துழைப்பு வழங்காமல் உள்ளனா். விரைவில் அமெரிக்க அதிபர் தேர்தல் நடைபெற உள்ளது. இந்த தேர்தலின்போது இஸ்ரேல் மற்றும் ஈரான் போரால் மாற்றங்கள் ஏற்பட வாய்ப்பு உள்ளது. காரணம் உலகமே தற்போது மேற்கத்திய மற்றும் கிழக்கு நாடுகள் என பிரிந்து காணப்படுகிறது.
இந்த நிலையில் காசா பகுதியில் மீண்டும் போலியோ சொட்டு மருந்து முகாம் நடத்த ஐநா அமைப்பு திட்டமிட்டுள்ளது. கடந்த செப்டம்பர் ஒன்றாம் தேதி போலியோ சொட்டு மருந்து முகாம் முதன் முதலில் போருக்கு இடையே நடந்தது. இதனைத் தொடர்ந்து அக்டோபர் 14ஆம் தேதி மீண்டும் போலியோ முகாம் நடத்த முடிவெடுக்கப்பட்டது.ஆனால் அந்த சமயம் இஸ்ரேல் நடத்திய திடீர் தாக்குதல் காரணமாக முகாம் தற்காலிகமாக நிறுத்தி வைக்கப்பட்டது. இதை அடுத்து மீண்டும் காசா பகுதியில், ஐநா அமைப்பு சார்பில் போலியோ சொட்டு மருந்து முகாம் நடத்த ஏற்பாடுகள் செய்யப்பட்டு வருகிறது. அதன்படி நாளை முதல் போலியோ முகாம் நடத்தப்பட இருக்கிறது. இதற்காக போரை தற்காலிகாமல் நிறுத்தும்படி ஐநா அமைப்பு இஸ்ரேல் மற்றும் ஹமாசை வலியுறுத்தி வருகிறது.