இன்று ராஜஸ்தான் செல்கிறார் பிரதமர் மோடி..!

 பிரதமர் மோடி இன்று (அக்.5) ராஜஸ்தான் மற்றும் மத்தியப் பிரதேசத்திற்குச் செல்கிறார். 

அதன்படி ஜோத்பூரில் வியாழக்கிழமை காலை 11.15 மணியளவில் சுகாதாரம் மற்றும் உயர்கல்வி போன்ற துறைகளில் சுமார் ரூ.5,000 கோடி மதிப்பிலான வளர்ச்சித் திட்டங்களுக்கு பிரதமர் மோடி அடிக்கல் நாட்டுகிறார். 

இந்த திட்டங்களில் ஐ.ஐ.டி. ஜோத்பூர் வளாகமும் அடங்கும், அதே நேரத்தில் நகர விமான நிலையத்தில் கட்டப்பட்டுள்ள புதிய முனையக் கட்டிடத்துக்கும் அவர் அடிக்கல் நாட்டுகிறார். 

மேலும், பிற்பகல் 3.30 மணியளவில் ம.பி.யில் ஜபல்பூரை சென்றடையும் பிரதமர் மோடி,  ரூ.12,600 கோடி மதிப்பிலான தேச வளர்ச்சித் திட்டங்களை தொடங்கி வைத்து அடிக்கல் நாட்ட உள்ளார். 

மேலும், மாண்ட்லா, ஜபல்பூர், திண்டோரி, சியோனி ஆகிய மாவட்டங்களில் ஜல் ஜீவன் மிஷன் திட்டங்களையும் அவர் தொடங்கி வைக்கிறார். இந்த இரு மாநிலங்களுக்கும் டிசம்பர் மாதம் சட்டசபை தேர்தல் நடைபெற உள்ளது என்பது குறிப்பிடத்தக்கது.