மக்களே உஷார்..! அடுத்த 3 மணி நேரத்தில் பெங்கல் புயல் உருவாகிறது..!

காற்றழுத்த தாழ்வு மண்டலம் புயலாக மாறாது என சென்னை வானிலை மையம் திட்டவட்டமாக கூறியிருந்தது. தற்போது, அடுத்த 3 மணி நேரத்தில் பெங்கல் புயல் உருவாகிறது என வானிலை மையம் அறிவித்துள்ளது.

இது குறித்து வானிலை மையம் வெளியிட்டுள்ள அறிக்கை: தென் மேற்கு வங்கக் கடலில் நிலவும் ஆழ்ந்த காற்றழுத்த தாழ்வு மண்டலம் புயலாக மாறுகிறது. அடுத்த 3 மணி நேரத்தில் பெங்கல் புயல் உருவாகிறது. வடமேற்கு திசையில் நகர்ந்து நாளை (நவ.,30) காரைக்கால்- மாமல்லபுரம் இடையே கரையை கடக்கிறது. புயல் கரையைக் கடக்கும் போது 90 கி.மீ., வேகத்தில் காற்று வீசக்கூடும். வட தமிழகம், புதுச்சேரி, தெற்கு ஆந்திரா பகுதிகளுக்கு ஆரஞ்சு அலெர்ட் விடுக்கப்பட்டு உள்ளது. இவ்வாறு அதில் கூறப்பட்டுள்ளது.