மக்களே உஷார்..! 10 நாட்களில் 1000 பேருக்கு டெங்கு காய்ச்சல் !

கர்நாடகாவில் பருவமழை தொடங்கிய பின் டெங்கு காய்ச்சல் பரவல் அதிகரித்துள்ளது. தார்வாட்டில் இந்த ஆண்டு டெங்கு காரணமாக முதல் மரணம் பதிவாகியுள்ளது. அட்டா ஷிமோகாவிலும் டெங்கு என சந்தேகிக்கப்படும் நாகராஜ் உயிரிழந்துள்ளார். தனியார் மருத்துவமனையில் சிகிச்சை பெற்று வந்த அவர் நேற்று உயிரிழந்துள்ளார்.

இந்த ஆண்டு கர்நாடகாவில் 4,414 பேர் டெங்குவாலும், 778 பேர் சிக்குன்குனியாவிலும் பாதிக்கப்பட்டனர். இதற்கிடையில், கடந்த 10 நாட்களில், 1,026 பேர் டெங்குவாலும், 137 பேர் சிக்குன்குனியா காய்ச்சலாலும் பாதிக்கப்பட்டுள்ளது சுகாதாரத்துறைக்கு கவலையை ஏற்படுத்தியுள்ளது. சிக்குன்குனியாவை விட டெங்கு காய்ச்சல் தான், கர்நாடகாவில் தற்போது பெரும் தலைவலியாக மாறியுள்ளது.

கர்நாடகா மாநிலத்தில், தார்வாட் மாவட்டத்தில் டெங்கு காய்ச்சல் பரவல் அதிகரித்துள்ளது. இந்த மாவட்டத்தின் 81 பகுதிகளில் டெங்கு கடுமையாக பரவியுள்ளதாக தெரிகிறது. இதில், ஜனவரி மாதம் முதல் ஜூன் மாதம் வரை 437 பேருக்கு டெங்கு ஏற்பட்டுள்ளது என்று கண்டறியப்பட்டுள்ளது.

இதற்கு அடுத்த பத்து நாட்களுக்கான புள்ளிவிபரங்களைப் பார்த்தால், 41 பேர் டெங்குவால் பாதிக்கப்பட்டுள்ளனர். அவர்களில், தார்வாட் தாலுகாவின் மும்மிகட்டி கிராமத்தைச் சேர்ந்த நான்கு வயது சிறுமி சம்ரித்தி தேசாய் உயிரிழந்துள்ளார்.

சிறுமியின் மரணத்துக்குப் பிறகு விழித்துக்கொண்ட சுகாதாரத் துறையினர், தற்போது கிராமங்களில் புகை மருந்தைத் தெளிக்கும் (ஃபோகிங்) பணியில் ஈடுபட்டு வருகின்றனர். அத்துடன் திறந்தவெளி கொள்கலன்கள் மற்றும் பொருட்களில் தண்ணீர் தேங்காமல் பார்த்துக் கொள்ளுமாறு மக்களிடம் கோரிக்கை விடுத்துள்ளனர்.