மக்கள் அதிர்ச்சி..! ஜப்பான் மியாசாகி விமான நிலைய ஓடுபாதையில் குண்டுவெடிப்பு!

மியாசாகி ப்ரிபெக்சரின் தலைநகரான மத்திய மியாசாகியில் இருந்து சுமார் 5 கிலோமீட்டர் தொலைவில் விமான நிலையம் உள்ளது. மேலும் டோக்கியோவின் ஹனேடா விமான நிலையம் மற்றும் ஒசாகா விமான நிலையம் மற்றும் சர்வதேச வழித்தடங்கள் உட்பட உள்நாட்டு வழித்தடங்களுக்கு சேவை செய்கிறது. இந்த நிலையில் அக்டோபர் 2 ஆம் தேதி காலை 8 மணியளவில் விமான ஓடுபாதையில் வெடிக்கும் சத்தம் கேட்டது. 7 மீட்டர் விட்டம் மற்றும் 1 மீட்டர் ஆழம் கொண்ட ஒரு துளை ஏற்பட்டதாகவும் போக்குவரத்து அமைச்சகம் தெரிவித்துள்ளது.

முன்னர் ஜப்பானிய கடற்படையின் விமான தளமாக இருந்த இந்த விமான நிலையம் இரண்டாம் உலகப் போரின் போது வெடிக்காத அமெரிக்க குண்டுகளின் கண்டுபிடிப்புகளால் அடிக்கடி பாதிக்கப்பட்டுள்ளது. விமான நிலையத்தில் வெடிக்காத இரண்டு குண்டுகள் 2011 ஆம் ஆண்டிலும் மற்றொன்று 2021 ஆம் ஆண்டிலும் கண்டுபிடிக்கப்பட்டன. அமெரிக்காவில் தயாரிக்கப்பட்ட 500 பவுண்டு வெடிகுண்டிலிருந்து வந்த எச்சங்களை தற்காப்புப் படைகள் உறுதி செய்தன. மேலும், இத்தகைய வெடி விபத்துக்கான வீடியோ வெளியாகி பரபரப்பை ஏற்படுத்திய நிலையில், சம்பவம் நடைபெற்ற இடத்தில் யாருக்கும் எந்த காயமும் ஏற்படவில்லை என்று அதிகாரிகள் தெரிவித்தனர். இத்தகைய வெடிகுண்டு சம்பவத்தின் காரணமாக மியாசாகி விமான ஓடுபாதையை மூட வேண்டிய கட்டாயம் ஏற்பட்டது.

விமான நிலையத்திற்குச் செல்லும் மற்றும் புறப்படும் அனைத்து விமானங்களும் காலை 9 மணி முதல் இடைநிறுத்தப்பட்டன. விமான நிலைய அதிகாரிகள் துளையை மூடிய பின்னர் மீண்டும் சேவைகள் தொடங்கும் என்றும் தெரிவித்துள்ளனர். விமானம் புறப்பட்ட சில வினாடிகளில் குண்டு வெடித்த சிசிடிவி காட்சிகள் சமூக வலைத்தளங்களில் வேகமாக பரவி வருகிறது.

Shocking #WWII_Bomb Detonates Moments After Plane Takes Off

A WWII-era bomb exploded at Miyazaki Airport in #Japan, just one minute after a passenger plane departed. The blast led to flight cancellations. Authorities believe the bomb was an #American relic hidden for decades. pic.twitter.com/5c8Sffv9dF

— World Report (@Worldreport7) October 3, 2024