மக்கள் அதிர்ச்சி..! மீண்டும் 3 மடங்கு எகிறியது விமான கட்டணம்..!

தீபாவளிக் கொண்டாடுவதற்காக சொந்த ஊர் சென்றுள்ள நிலையில், தற்போது தீபாவளி விடுமுறை முடிந்து மீண்டும் பணியிடங்கள், வசிப்பிடங்களுக்கு சொந்த ஊர்களில் இருந்து மக்கள் அதிகளவில் ஒரே நாளில் வெளியேறுவதால் விமான டிக்கெட் கட்டணங்களும் மூன்று மடங்குகளுக்கும் அதிகமாக அதிகரித்துள்ளன. 

ரயில், பேருந்துகளில் டிக்கெட் கிடைக்காத பலர், விமானங்களில் செல்வதற்காக விமான நிலையத்துக்கு படையெடுத்து வருகின்றனர். இதனால் உள்நாட்டு விமான நிலையத்தில் பயணிகள் கூட்டம் அலைமோதுகிறது. 

சென்னையில் இருந்து  தூத்துக்குடி, மதுரை, திருச்சி, கோவை, சேலம் ஆகிய நகரங்களுக்குச் செல்லும் விமான கட்டணங்கள் பல மடங்கு அதிகரித்துள்ளன. சென்னை- தூத்துக்குடி சாதாரண நாட்கள் கட்டணம் ரூ.4,109, தற்போது ரூ.8,976 முதல் ரூ.13,317 வரை உயர்ந்தது. சென்னை- மதுரை இடையே சாதாரண நாட்கள் ரூ.4,300 ஆகும். இந்த கட்டணம் ரூ.11,749 முதல் ரூ. 17,745 வரை இருந்தது.