அடேங்கப்பா..! இத்தனை கோடிக்கு விலைபோன ஜனநாயகன் டிஜிட்டல் ரைட்ஸ்..! எவ்வளவு தெரியுமா ?

அடுத்தாண்டு நடைபெறவிருக்கும் சட்டமன்ற தேர்தலில் போட்டியிட இருக்கும் விஜய் அதற்கான பணிகளை விறுவிறுப்பாக பார்த்து வருகின்றார். மறுபக்கம் ஜனநாயகன் படப்பிடிப்பிலும் சின்ஸியராக கலந்துகொண்டு வருகின்றார். எனவே ஏப்ரல் மாதத்திற்குள் தன் போர்ஷனை முடித்துவிடுமாறு விஜய் ஹெச்.வினோத்திடம் கூறியதாக ஒரு தகவல் உள்ளது.

ஏப்ரல் மாதத்திற்கு பிறகு சட்டமன்ற தேர்தலில் கலந்துகொள்வதற்காக வேலைகளை விஜய் செய்ய இருப்பதால் இவ்வாறு ஹெச்.வினோத்திடம் கேட்டுக்கொண்டதாக தெரிகின்றது. ஆனால் இத்தகவலில் எந்தளவிற்கு உண்மை உள்ளது என தெரியவில்லை. இந்நிலையில் ஜனநாயகன் படத்தின் அறிவிப்பு வந்தபோது இப்படம் அக்டோபர் மாதம் தான் வெளியாகும் என அதிகாரபூர்வமாகவே அறிவிக்கப்பட்டது.

அதன் பிறகு வெளியான டைட்டில் போஸ்டரில் இப்படத்தின் ரிலீஸ் பற்றி எந்த ஒரு தகவலும் இல்லை. அக்டோபர் ரிலீஸ் என போஸ்டரில் குறிப்பிடப்படவில்லை. இதனால் இப்படம் சொன்னபடி அக்டோபர் மாதம் வெளியாகுமா ? இல்லை தள்ளிபோகுமா ? என்ற குழப்பம் நிலவியது. அதனை உறுதி செய்யும் வகையில் இப்படம் அடுத்தாண்டு பொங்கலுக்கு தான் வெளியாகும் என அதிகாரபூர்வமாக அறிவிக்கப்பட்டுள்ளது.

அடுத்தாண்டு ஏப்ரல் மாதத்தில் சட்டமன்ற தேர்தல் நடைபெறுவதால் அதற்கு ஒரு சில மாதங்களுக்கு முன்பு இப்படம் வெளியானால் விஜய்யின் அரசியலுக்கு உதவியாக இருக்கும். அதன் காரணமாக இப்படம் அடுத்தாண்டு பொங்கலுக்கு வெளியாக இருப்பதாக சொல்லப்படுகின்றது. மேலும் ஒரு காரணமாக இப்படத்தின் டிஜிட்டல் ரைட்ஸ் விற்கப்படவில்லை. அதனால் படம் பொங்கலுக்கு தள்ளிப்போவதாக கூட பேச்சுக்கள் இருக்கின்றன.

ஆனால் இதில் எந்தளவிற்கு உண்மை உள்ளது என தெரியவில்லை. இந்நிலையில் தற்போது பிரபல OTT நிறுவனம் ஒன்று ஜனநாயகன் திரைப்படத்தை மிகப்பெரிய தொகைக்கு வாங்கியுள்ளதாம். கிட்டத்தட்ட 120 கோடிக்கு ஜனநாயகன் திரைப்படத்தின் டிஜிட்டல் ரைட்ஸ் விற்கப்பட்டு இருப்பதாக தகவல் வந்துள்ளது. கடந்த சில மாதங்களாக OTT வியாபாரம் டல்லடித்து வருகின்றது.

வருடத்திற்கு குறிப்பிட்ட படங்களை தான் பிரபல நிறுவனங்கள் வாங்கி வருகின்றது. அப்படி இருக்கையில் ஜனநாயகன் திரைப்படம் 120 கோடி வரை வியாபாரமாகியிருப்பது மிகப்பெரிய விஷயமாக பார்க்கப்படுகின்றது.