போக்குவரத்து நெரிசலை குறைக்க புதிய திட்டம்-முக்கிய இடங்களில் வரும் யூடர்ன்!

கோவை-சத்தியமங்கலம் சாலையில் உள்ள துடியலூர்-சரவணம்பட்டி சந்திப்பில் காலை, மாலை நேரங்களில் அதிக போக்குவரத்து நெரிசல் ஏற்படுகிறது. இதனால் வாகன ஓட்டிகள் ஒரு நிமிடம் வரை காத்திருக்க வேண்டியுள்ளது. இதை குறைக்க சந்திப்புக்கு அருகில்யூ-டர்ன் அமைக்க முடிவு செய்யப்பட்டுள்ளது. அதேபோல் துடியலூர் சாலையில் இருந்து வரும் வாகனங்கள் சரவணம்பட்டி சந்திப்பில் வலது புறம் திரும்ப முடியாது. அவர்கள் இடதுபுறம் திரும்பி 50 மீட்டர் தூரம் சென்று U-டர்ன் எடுக்க வேண்டும். அதேபோல், சத்தியமங்கலம் சாலையில் இருந்து வருபவர்கள் வலதுபுறம் திரும்பி துடியலூர் செல்ல முடியாது. அவர்களுக்காகவும் ஒரு U-டர்ன் அமைக்கப்பட்டுள்ளது. இந்த மாற்றங்களுக்கு சாலை பாதுகாப்பு குழு ஒப்புதல் அளித்துள்ளது என்று கோயம்புத்தூர் வட்டார சாலை பாதுகாப்பு பிரிவு பொறியாளர் G. மனுநீதி தெரிவித்தார்.

கோவை-பொள்ளாச்சி சாலையில் உள்ள சுந்தராபுரம் சந்திப்பில் வாகன ஓட்டிகள் இரண்டு நிமிடம் வரை காத்திருக்க வேண்டி உள்ளது. இங்கு யூ-டர்ன் அமைத்து ஒரு குறிப்பிட்ட பகுதியை ஒரு வழிப்பாதையாக மாற்ற திட்டமிடப்பட்டுள்ளது. இந்த புதிய முயற்சி வெற்றி அடைந்தால் சுந்தராபுரம் சந்திப்பில் காத்திருக்கும் நேரம் குறையும். மேலும், அங்குள்ள சிக்னலும் அகற்றப்படும் என்று மனுநீதி கூறினார்.

தடாகம் சாலையில் உள்ள பால் கம்பெனி சந்திப்பு மற்றும் இடையார்பாளையம் சந்திப்பிலும் யூ-டர்ன்கள் அமைக்கப்பட உள்ளன. இடையார்பாளையம் சந்திப்பில் U-டர்ன் மட்டுமின்றி ரவுண்டானாவும் கட்ட திட்டமிடப்பட்டுள்ளது. இதனால் நான்கு சிக்னல்கள் அகற்றப்படும். இந்த திட்டத்திற்கு வாகன ஓட்டிகள் ஒத்துழைப்பு தர வேண்டும் என்று காவல்துறையினர் கேட்டுக்கொண்டுள்ளனர்.

தற்போது, அவிநாசி சாலையில் 19 யூ-டர்ன்களும், திருச்சி மற்றும் மேட்டுப்பாளையம் சாலையில் 9 U-டர்ன்களும் உள்ளன. மேலும், 14 ரவுண்டானாக்கள் அமைக்கப்பட்டுள்ளன. போக்குவரத்து நெரிசலை குறைக்க காவல் துறையினர் பல்வேறு முயற்சிகளை எடுத்து வருகின்றனர். யூ-டர்ன் மற்றும் ரவுண்டானா அமைப்பதால் வாகன ஓட்டிகள் சிரமமின்றி பயணிக்க முடியும். இந்த திட்டங்களுக்கு பொதுமக்கள் ஒத்துழைப்பு அளித்தால் மட்டுமே முழுமையான பலன் கிடைக்கும். சாலை விதிகளை மதித்து பாதுகாப்பாக பயணிக்க வேண்டும் என்று காவல்துறையினர் அறிவுறுத்துகின்றனர்.