அரசியலில் இருந்து ஓய்வு பெறுவதாக மிசோரம் பா.ஜ. எம்.எல்.ஏ. அறிவிப்பு..!

மருத்துவம் பயின்ற புத்த தன் சக்மா மிசோராமில் முதல்வர் லால் தன்ஹால்லா தலைமையிலான காங்கிரஸ் ஆட்சியில் மீன்வளம் மற்றும் பட்டு வளர்ப்புத்துறை அமைச்சராக பதவி வகித்து வந்தார். 2018-ம் ஆண்டு தேர்தலுக்கு பின் காங்கிரசில் இருந்து விலகி பா.ஜ.க.வில் இணைந்தார்.

இவர் தற்போது துய்ச்சங் சட்டமன்ற உறுப்பினராக பொறுப்பு வகித்து வருகிறார். இந்நிலையில் தனது சட்டமன்ற பதவிக்காலம் முடிந்த பிறகு தீவிர அரசியலில் இருந்து ஓய்வு பெற போவதாக அவர் அறிவித்துள்ளார். 

40 உறுப்பினர்களை கொண்ட மிசோராம் சட்டப்பேரவைக்கு இந்த ஆண்டு இறுதியில் தேர்தல் நடைபெற உள்ளது குறிப்பிடத்தக்கது.