அப்பா மணிவண்ணன் அவர்களின் நினைவைப் போற்றுவோம் - சீமான் ட்வீட்..!

பிரபல நடிகராகவும், இயக்குனராகவும் இருந்தவர் நடிகர் மணிவண்ணன். இவர் கடந்த 2013ஆம் ஆண்டு ஜூன் மாதம் 15ஆம் தேதி  மாரடைப்பால் காலமானார்.

இன்று மணிவண்ணனின் 11 ஆம் ஆண்டு நினைவு நாள் ஆகும்.

சினிமாவில் மட்டுமின்றி அரசியலிலும் ஈடுபாடு கொண்டிருந்த மணிவண்ணன் தனது இறுதி காலத்தில் நாம் தமிழர் கட்சியில் இருந்தார்.ஈழத்துக்கு ஆதரவான பல்வேறு போராட்டங்களில் மணிவண்ணன் பங்கேற்றிருக்கிறார். அந்த சமயத்தில் தனது பிள்ளையை ஈழப்பெண்ணுக்கு தான் திருமணம் செய்து வைப்பேன் என கூறினார். சொன்னதை செய்தும் காட்டினார் மணிவண்ணன்.

லண்டனில் வசிக்கும் ஈழப்பெண்ணான அபி-க்கு தனது மகன் ரகுவண்ணணை திருமணம் பேசி முடித்தார். கடந்த 2013ஆம் ஆண்டு மார்ச் மாதம் ரகுவண்ணன் – அபி திருமண நிச்சயம் நடந்த நிலையில் ஜூன் மாதம் திருமணம் நடக்கவிருந்தது.

ஆனால் அந்த ஜூன் மாதத்தில் தான் மணிவண்ணன் அகால மரணமடைந்தார். அவர் மரணமடைந்த சில வாரங்களில் மணிவண்ணன் மனைவி செங்கமலமும் மரணமடைந்தார்.இதனால் ரகுவண்ணன் திருமணமும் தள்ளிப் போனது. இந்த நிலையில் அதே ஆண்டு செப்டம்பர் மாதம் ரகுவண்ணன் – அபி திருமணம் நடைபெற்றது. இந்த திருமணத்தை மணிவண்ணனின் உயிர் நண்பரான சத்யராஜ் முன்னின்று நடத்தி வைத்தியது அப்போது பலரையும் நெகிழ்ச்சியடைய வைத்தது.

இதையடுத்து நாம் தமிழர் கட்சியின் தலைமை ஒருங்கிணைப்பாளர் சீமான் ட்விட்டரில் ஒரு பதிவை வெளியிட்டுள்ளார். அதில், இனமான இயக்குநர்! அப்பா மணிவண்ணன் அவர்களின் நினைவைப் போற்றுவோம்! நாம் தமிழர்! என பதிவிட்டுள்ளார்.

இனமான இயக்குநர்!

அப்பா மணிவண்ணன் அவர்களின் நினைவைப் போற்றுவோம்!

நாம் தமிழர்! pic.twitter.com/FqQOfY8n7K

— செந்தமிழன் சீமான் (@Seeman4TN) June 15, 2024