மக்களவையில் கழகத்தின் உரிமைக் குரல்கள் இன்னும் அழுத்தமாக ஒலிக்கும் : அமைச்சர் உதயநிதி..!

தமிழ்நாட்டில் 39 தொகுதிகள் மற்றும் புதுச்சேரியில் ஒரு தொகுதி என 40 தொகுதிகளில் கடந்த ஏப்ரல் 19-ந் தேதி ஒரே கட்டமாக நாடாளுமன்ற தேர்தல் நடைபெற்றது. தேர்தலில் பதிவான வாக்குகளை எண்ணும் பணி நேற்று நடைபெற்றது. இதில் தமிழ்நாடு மற்றும் புதுச்சேரியில் உள்ள 40 தொகுதிகளிலும் தி.மு.க.-காங்கிரஸ் கூட்டணி வெற்றியை உறுதி செய்துள்ளது. 

இந்நிலையில் கழகத்தின் உரிமைக் குரல்கள் மக்களவையில் இன்னும் அழுத்தமாக ஒலிக்கும் என அமைச்சர் உதயநிதி ஸ்டாலின் தெரிவித்துள்ளார்.

இது குறித்து 'எக்ஸ்' தளத்தில் அவர் வெளியிட்டுள்ள பதிவில் கூறியிருப்பதாவது;- "2024 நாடாளுமன்ற தேர்தலில் தமிழ்நாடு மற்றும் புதுச்சேரி தொகுதிகளில் 40/40 என்ற வரலாற்று வெற்றியைத் தொடர்ந்து, 'எல்லோரும் இந்நாட்டு மன்னர்' என்ற ஜனநாயகப் பண்புடன் கழகத்தைத் தோற்றுவித்த பேரறிஞர் அண்ணா, 50 ஆண்டு காலம் தலைவராக கழகத்தை வளர்த்தெடுத்து வழிநடத்திய முத்தமிழறிஞர் கலைஞர் ஆகியோரின் நினைவிடங்களில் முதல்-அமைச்சர் மு.க.ஸ்டாலினுடன் சென்று தேர்தல் வெற்றியைச் சமர்ப்பித்தோம். 75 ஆண்டு காலம், மாநில சுயாட்சிக்காகவும் தமிழ்நாட்டின் வளர்ச்சிக்காகவும் முழங்கிய கழகத்தின் உரிமைக் குரல்கள் மக்களவையில் இன்னும் அழுத்தமாக ஒலிக்கும்!" இவ்வாறு உதயநிதி ஸ்டாலின் பதிவிட்டுள்ளார்.

2024 நாடாளுமன்றத் தேர்தலில் தமிழ்நாடு & புதுச்சேரி தொகுதிகளில் 40/40 என்ற வரலாற்று வெற்றியைத் தொடர்ந்து, ‘எல்லோரும் இந்நாட்டு மன்னர்’ என்ற ஜனநாயகப் பண்புடன் கழகத்தைத் தோற்றுவித்த பேரறிஞர் அண்ணா -

50 ஆண்டு காலம் தலைவராகக் கழகத்தை வளர்த்தெடுத்து வழிநடத்திய முத்தமிழறிஞர் கலைஞர்… pic.twitter.com/kTLXS0Cj1G

— Udhay (@Udhaystalin) June 4, 2024