கமல், நீங்கள் நடிப்பதோடு நில்லாமல்... நாளை பிறந்தநாள் கொண்டாடும் கமல்ஹாசனுக்கு நடிகர் சிவக்குமார் வாழ்த்து..!

உலக நாயகன் கமல்ஹாசன் நாளை தனது தனது 68 வது பிறந்தநாளை பிறந்தநாளை கொண்டாடவுள்ளார். அவருடைய ரசிகர்கள் அவருடைய பிறந்த நாள் குறித்த புகைப்படங்கள் வெளியிட ஆவலுடன் காத்துக்கொண்டுள்ளனர்.

இந்நிலையில் நடிகர் சிவகுமார் வெளியிட்டுள்ள வாழ்த்து செய்தியில், திரையுலகில்  சாதித்ததை போல், அரசியலிலும் உங்களால் சாதிக்க முடியும், துணிந்து இறங்குங்கள்” என்று தெரிவித்துள்ளார்.

நடிப்புக் கலையில் அசகாய சூரர்கள் என்று நான் மதித்துப் போற்றுபவர்கள் தமிழ்ச் சினிமாவில் நடிகர் திலகம் சிவாஜியும், உலகநாயகன் கமலும் தான்.அவர்கள் செய்த 'வெரைட்டி ரோல்களை' இதுவரை வேறுயாரும் செய்ய முடியவில்லை.சிவாஜி நடித்த சரித்திர, சமூக, புராண வேடங்களை யாரும் நினைத்துப் பார்க்க முடியாத அளவு அவர் செய்து விட்டார். 

கமல், நீங்கள்  நடிப்பதோடு நில்லாமல், தேர்ந்த பரதக்கலைஞர், நடனக் கலையில் வல்லவர்,பாடகர், திரைக்கதை ஆசிரியர், இயக்குநர், தயாரிப்பாளர்.'டூப்' போடாமல் அல்லாவுதீனும் அற்புத விளக்கும் படத்தில் நீங்கள்  சிங்கத்தோடு மோதியவர். 

'மீண்டும் ஒரு சூர்யோதயம்' -படத்தில் ரன்வே ரோட்டில் பாய்ந்து ஓடிய குதிரை சறுக்கி கீழே விழ 20அடி தூரம் குதிரையின் அடியில் உங்கள் கால் மாட்டி எலும்பு நொறுங்க நடித்தவர் நீங்கள். 

1973-ல் அரங்கேற்றம், சொல்லத்தான் நினைக்கிறேன் என்று துவங்கி தங்கத்திலே வைரம், மேல்நாட்டு மருமகள்- என 8 படங்களில் நாம்  இருவரும் சேர்ந்து நடித்தோம். நான் கதாநாயகன், கமல், நீங்கள் பெரும்பாலும் வில்லனாக நடித்தீர்கள்.