உலகநாயகன் கமல்ஹாசனின் தாய் மாமா சீனிவாசன் காலமானார்..!
உலகநாயகன் கமல்ஹாசனின் தாய் மாமா சீனிவாசன் கொடைக்கானலில் காலமானார் அவருக்கு வயது 92. பரமக்குடியைச் சேர்ந்த இவர், விமானப் படையில் பணியாற்றியவர். அதன்பின்னர், நீண்டகாலமாக கொடைக்கானலில் வசித்துவந்தார்.
அவரின் உடல் சென்னைக்குக் கொண்டுவரப்பட்டு, ஆழ்வார்பேட்டையில் உள்ள மக்கள் நீதி மையத்தின் தலைமை அலுவலகத்தில் அஞ்சலிக்கு வைக்கப்படும். இன்று அவரின் உடல் தகனம் செய்யப்படும் என்றும் கமல் தெரிவித்துள்ளார்.
தனது தாய் மாமா மறைவு குறித்து கமல்ஹாசன் தனது எக்ஸ் பக்கத்தில் கூறியிருப்பதாவது:
எனது ஆளுமை உருவாக்கத்தில் பெரும்பங்கு வகித்த ஆருயிர் மாமா சீனிவாசன் இன்று தன்னுடைய 92-வது வயதில் கொடைக்கானலில் காலமானார். புரட்சிகரமான சிந்தனைகளுக்காகவும், துணிச்சலான செயல்களுக்காகவும் உறவினர்கள் நண்பர்கள் மத்தியில் ஒரு வீரயுக நாயகனாக திகழ்ந்தவர் வாசு மாமா.
இறுதி மரியாதை செலுத்துவதற்காக அவரது உடல் மக்கள் நீதி மய்யம் அலுவலகத்திற்கு இன்றிரவு கொண்டு வரப்படும். நாளை (23-04-24) காலை 10:30 மணிக்கு பெசன்ட் நகர் மின் மயானத்தில் தகனம் செய்யப்படும் என்பதை தெரிவித்துக்கொள்கிறேன்.
எனது ஆளுமை உருவாக்கத்தில் பெரும்பங்கு வகித்த ஆருயிர் மாமா சீனிவாசன் இன்று தன்னுடைய 92-வது வயதில் கொடைக்கானலில் காலமானார். புரட்சிகரமான சிந்தனைகளுக்காகவும், துணிச்சலான செயல்களுக்காகவும் உறவினர்கள் நண்பர்கள் மத்தியில் ஒரு வீரயுக நாயகனாக திகழ்ந்தவர் வாசு மாமா.
— Kamal Haasan (@ikamalhaasan) April 22, 2024
இறுதி மரியாதை… pic.twitter.com/7CxY6XeWYs
அமைச்சர் உதயநிதியும் கமல்ஹாசன் தாய் மாமா மறைவுக்கு இரங்கல் தெரிவித்துள்ளார். அவர் தனது இரங்கல் அறிக்கையில் கூறியிருப்பதாவது:
மக்கள் நீதி மய்யம் கட்சியின் தலைவர் - கலைஞானி கமல்ஹாசன் சாரின் தாய் மாமா திரு.சீனிவாசன் அவர்கள் மரணமடைந்தார் என்ற செய்தியறிந்து மிகுந்த வருந்தமுற்றோம்.
திரையுலகம் - அரசியல் இரண்டிலும் கமல் சாருக்கு உற்றத் துணையாக திகழ்ந்த பெரியவர் திரு.சீனிவாசன் அவர்களின் மறைவு, அவர்களுடைய குடும்பத்தினருக்கு பேரிழப்பு.
அவரை இழந்து வாடும் கமல் சார் மற்றும் அவரது குடும்பத்தினர் - நண்பர்களுக்கு எனது ஆழ்ந்த இரங்கலையும், ஆறுதலையும் தெரிவித்துக் கொள்கிறேன்
மக்கள் நீதி மய்யம் கட்சியின் தலைவர் - கலைஞானி @ikamalhaasan சாரின் தாய் மாமா திரு.சீனிவாசன் அவர்கள் மரணமடைந்தார் என்ற செய்தியறிந்து மிகுந்த வருந்தமுற்றோம்.
— Udhay (@Udhaystalin) April 22, 2024
திரையுலகம் - அரசியல் இரண்டிலும் கமல் சாருக்கு உற்றத் துணையாக திகழ்ந்த பெரியவர் திரு.சீனிவாசன் அவர்களின் மறைவு, அவர்களுடைய… pic.twitter.com/aYEvkw4xXW