#JUST IN : காரைக்குடி ரோடு ஷோ நிகழ்ச்சி ரத்து..! மீனாட்சியம்மன் கோயிலுக்கு செல்லும் நிகழ்வும் ரத்து செய்தார் அமித்ஷா..!
![1](https://newstm.in/static/c1e/client/106785/uploaded/95ad0ef91513e87e9c396b377ddf39a0.webp?width=836&height=470&resizemode=4)
மத்திய உள்துறை மந்திரி அமித்ஷா நாளை தமிழ்நாட்டில் பிரசாரம் செய்ய உள்ளார். மதுரைக்கு நாளை பிற்பகல் 3.05 மணிக்கு வருகை தருகிறார் அமித்ஷா. அங்கிருந்து ஹெலிகாப்டர் மூலம் சிவகங்கை சென்று காரைக்குடியில் ரோடு ஷோ மூலம் பிரசாரம் செய்ய இருப்பதாக அறிவிக்கப்பட்டது.
சிவகங்கை பா.ஜ.க. வேட்பாளர் தேவநாதனை ஆதரித்து இந்த ரோடு ஷோ நிகழ்ச்சிக்கு ஏற்பாடுகள் செய்யப்பட்டிருந்தன. ஆனால் தற்போது அமித்ஷாவின் ரோடு ஷோ நிகழ்ச்சி திடீரென ரத்து செய்யப்பட்டுள்ளது. சிவகங்கை பா.ஜ.க. வேட்பாளர் தேவநாதன் ரூ.525 கோடி நிதி மோசடி செய்ததாக காங்கிரஸ் கட்சி புகார் அளித்துள்ளதால் அமித்ஷாவின் ரோடு ஷோ ரத்து செய்யப்பட்டுள்ளதாக தகவல் வெளியாகி உள்ளது.
மேலும் மதுரையில் 12ம் தேதி பாஜக வேட்பாளரை ஆதரித்து பரப்புரை செய்த பிறகு மீனாட்சியம்மன் கோயிலுக்கு செல்லும் நிகழ்வை ரத்து செய்தார் உள்துறை அமைச்சர் அமித்ஷா. மாலை ரோடு ஷோ முடிந்து மீனாட்சியம்மன் கோயிலுக்கு சென்று சாமி தரிசனம் செய்த பிறகு விமான நிலையம் சென்று அங்கிருந்து கேரளா செல்வதாக பயணத்திட்டம் இருந்தது