ரயில்வே வேலைவாய்ப்பு 2025 
​இந்தியன் ரயில்வேயில் உள்ள டெக்னீஷியன் பதவியில் 6,238 காலிப்பணியிடங்கள் உள்ளன. இதற்கு பல்வேறு பிரிவுகளில் அறிவியல் பாடங்களில் பட்டப்படிப்பு முடித்தவர்கள், ஐடிஐ முடித்தவர்கள் விண்ணப்பிக்கலாம். கணினி வழி தேர்வு மூலம் நடத்தப்படும். https://www.rrbchennai.gov.in/ என்ற இணையதளத்தில் விண்ணப்பிக்கலாம். ஜூலை 28 தேதிக்குள் விண்ணப்பிக்க வேண்டும்.

பரோடா வங்கி வேலைவாய்ப்பு 2025
பரோடா வங்கியில் உள்ளூர் வங்கி அதிகாரி பதவிக்கு 2,500 காலிப்பணியிடங்கள் உள்ளன. இப்பணியிடங்களுக்கு ஏதேனும் பட்டப்படிப்பு முடித்திருக்க வேண்டும். https://www.bankofbaroda.in/ என்ற இணையதளத்தில் ஆன்லைன் வழியாக ஜூலை 24 வரை விண்ணப்பிக்கலாம்.

SSC CHSL தேர்வு 2025
மத்திய அரசின் பணியாளர் தேர்வு வாரியம் (SSC) மூலம் 12-ம் வகுப்பு தகுதி உடைய மத்திய அரசு பணியிடங்களை நிரப்பும் தேர்வாக SSC CHSL தேர்வு உள்ளது. 2025-ம் ஆண்டுக்கான இத்தேர்வு லோவர் டிவிசன் கிளார்க், டேட்டா எண்டரி ஆப்ரேட்ட ஆகிய பதவிகளில் மொத்தம் 3,131 காலிப்பணியிடங்கள் நிரப்பப்படுகிறது. இத்தேர்விற்கு விண்ணப்பிக்க 12-ம் வகுப்பு தேர்ச்சி பெற்றிருந்தால் போதும். அதிகபடியாக 27 வயது வரை இருக்கலாம். வயது வரம்பில் தளர்வு உள்ளது.

இப்பணியிடங்களுக்கு இரண்டு கட்ட தேர்வு நடத்தப்பட்டு நியமிக்கப்படுவார்கள். இதற்கான அறிவிப்பு ஜூன் 23-ம் தேதி வெளியான நிலையில், ஜூலை 18-ம் தேதி வரை https://ssc.gov.in/ என்ற இணையதளத்தில் விண்ணப்பிக்கலாம். முதல் கட்ட தேர்வு செப்டம்பர் 8 முதல் 18 வரை நடத்தப்படும். இரண்டாம் கட்ட தேர்வு 2026 பிப்ரவரி - மார்ச் மாதம் நடைபெறும்.

இந்திய கடற்படை வேலைவாய்ப்பு 2025
​இந்திய கடற்படையில் குரூப்-பி மற்றும் குரூப் -சி பிரிவில் உள்ள துணை செவிலியர், சார்ஜ்மேன், ஸ்டோர் மேற்பார்வையாளர், ஸ்டோர் கீப்பர் உள்ளிட்ட பதவிகளில் 1,097 காலிப்பணியிடங்கள் உள்ளன. இப்பணியிடங்களுக்கு ஜூலை 5 முதல் விண்ணப்பம் தொடங்கிய நிலையில், ஜூலை 18-ம் தேதி வரை விண்ணப்பிக்கலாம். ஆன்லைன் தேர்வு மூலம் தேர்வு செய்யப்படுவார்கள். https://incet.cbt-exam.in/incetcycle3/login/userஎன்ற இணையதளத்தின் மூலம் விண்ணப்பிக்க வேண்டும்.

SSC ஜூனியர் இன்ஜினியர் தேர்வு 2025
மத்திய அரசின் பல்வேறு துறைகளில் ஜூனியர் இன்ஜினியர் பதவியில் உள்ள 1,340 காலிப்பணியிடங்களுக்கு SSC மூலம் இத்தேர்வு நடத்தப்படுகிறது. SSC JE 2025 தேர்விற்கு பொறியியல் பட்டப்படிப்பு மற்றும் டிப்ளமோ படித்தவர்கள் விண்ணப்பிக்கலாம். இதற்கான விண்ணப்பம் ஜூன் 30 முதல் தொடங்கிய நிலையில், ஜூலை 21 வரை விண்ணப்பிக்கலாம். https://ssc.gov.in/ என்ற இணையதளத்தில் விண்ணப்பிக்கவும்.

IBPS SO 2025 வேலைவாய்ப்பு
சுமார் 11 பொதுத்துறை வங்கிகளில் உள்ள சிறப்பு அதிகாரி (SO) பதவிக்கு 1,007 காலிப்பணியிடங்களுக்கு ஆட்கள் தேர்வு செய்யப்பட உள்ளனர். இதற்கு ஐடி, விவசாயம், சட்டம், HR, மார்க்கெட்டிங் ஆகியவை படித்தவர்கள் விண்ணப்பிக்கலாம். IBPS மூலம் முதல்நிலை தேர்வு, முதன்மை தேர்வு மற்றும் நேர்காணல் என 3 கட்ட தேர்வு நடத்தப்படுகிறது. ஜூலை 21 வரை விண்ணப்பிக்கலாம். https://www.ibps.in/ என்ற இணையதளத்தில் விண்ணப்பிக்க வேண்டும்.​

IBPS PO 2025 வேலைவாய்ப்பு 
பொதுத்துறை வங்கிகளில் உள்ள ப்ரொபஷனரி அதிகாரி (PO) பதவிக்கு மொத்தம் 5,208 காலிப்பணியிடங்களுக்கு ஆட்கள் தேர்வு செய்யப்பட உள்ளனர். ஏதேனும் ஒரு டிகிரி படித்தவர்கள் விண்ணப்பிக்கலாம். இதற்கும் 3 கட்ட தேர்வு IBPS மூலம் நடத்தப்படும். https://www.ibps.in/என்ற இணைப்பில் விண்ணப்பிக்க ஜூலை 21 தேதியே கடைசி நாள் ஆகும்.

SSC MTS 2025 வேலைவாய்ப்பு 
மத்திய அரசு பல்வேறு துறைகளில் உள்ள மல்டி டாஸ்கிங் ஊழியர் (MTS) பதவிக்கு 1,075 காலிப்பணியிடங்கள் நிரப்பப்படுகிறது. 10-ம் வகுப்பு தகுதி போதுமானது. https://ssc.gov.in/ என்ற இணையதளத்தில் விண்ணப்பிக்க வேண்டும். ஜூலை 24 வரை விண்ணப்பிக்க வேண்டும்.

MRB ஆய்வக டெக்னீஷியன் வேலை 2025
தமிழ்நாடு மருத்துவப் பணியாளர் தேர்வு வாரியம் மூலம் மருத்துவத்துறையில் உள்ள ஆய்வக டெக்னீஷியன் பதவியில் 60 காலிப்பணியிடங்கள் உள்ளன. இதற்கு அதற்கான 2 ஆண்டுகள் டிப்ளமோ படிப்படி முடித்திருக்க வேண்டும். தேர்வு, நேர்காணல் கிடையாது. கல்வித்தகுதி மற்றும் திறன் அடிப்படையில் தேர்வு செய்யப்படுவார்கள். ஜூலை 30 வரை https://mrb.tn.gov.in/ என்ற இணையதளத்தில் விண்ணப்பிக்கலாம்.

இந்திய விமானப்படை அக்னிவீர்வாயு வாய்ப்பு 2025
இந்திய விமானப்படையில் உள்ள அக்னிவீர்வாயு வீரர்களுக்கான வாய்ப்பு கிடைத்து. 12-ம் வகுப்பு தேர்ச்சி, டிப்ளமோ முடித்தவர்கள் விண்ணப்பிக்கலாம். ஆன்லைன் தேர்வு, சான்றிதழ் சரிபார்ப்பு, உடற்தகுதி தேர்வு , மருத்துவ பரிசோதனை ஆகியவற்றின் நிரப்பப்படுகிறது. https://agnipathvayu.cdac.in/ என்ற அதிகாரப்பூர்வ இணையதளத்தில் விண்ணப்பிக்கலாம். ஜூலை 31 வரை விண்ணப்பிக்கலாம்