.png)
இது அனைத்தும் பொய்..! வைரலான வீடியோவிற்கு விளக்கம் கொடுத்த தோனி!
சமூக ஊடகங்களில் வைரலான வீடியோவில், தோனி தன்னைப் பற்றிய ஒரு பெரிய வதந்திக்கு விளக்கம் அளித்துள்ளார். இந்த வீடியோ சென்னை சூப்பர் கிங்ஸ் அதிகாரப்பூர்வ இன்ஸ்டாகிராம் கணக்கில் பகிரப்பட்டுள்ளது. ஒரு நாளைக்கு 5 லிட்டர் பால் குடிப்பதாக தன்னைப் பற்றி பரப்பப்படும் வதந்தி முற்றிலும் பொய் என்று தோனி கூறியுள்ளார். லஸ்ஸி குடிப்பீர்களா என்ற கேள்விக்கும் தோனி பதிலளித்துள்ளார். லஸ்ஸி குடிப்பதில் தனக்கு விருப்பமில்லை என்று அவர் கூறினார்.
தோனி ஒரு நாளைக்கு 5 லிட்டர் பால் குடிப்பதாகவும், அதுவே அவரது உடல்நலத்திற்கான ரகசியம் என்றும் வதந்தி பரவியது. இதுகுறித்து தோனியிடம் கேட்டபோது, அது முற்றிலும் பொய் என்று தெளிவுபடுத்தினார். ஒரு நாளைக்கு யாரும் இவ்வளவு பால் குடிக்க முடியாது என்றும் சிரித்தபடி கூறினார்.