உங்க கடமை உணர்ச்சிக்கு அளவே இல்லையா..? காதலரை மணந்த மறுநாளே வேலைக்கு வந்த டிவி சீரியல் நடிகை

பாலிவுட் நடிகர் சல்மான் கான் தொகுத்து வழங்கிய இந்தி பிக் பாஸ் நிகழ்ச்சியின் 11வது சீசனில் கலந்து கொண்டவர் ஹீனா கான். ஹீனா கானும், தயாரிப்பாளர் ராக்கி ஜெஸ்வாலும் 13 ஆண்டுகளாக காதலித்து வந்தார்கள். இந்நிலையில் ஹீனா கானும், ராக்கி ஜெய்ஸ்வாலும் நேற்று முன்தினம் திருமணம் செய்து கொண்டார்கள். அந்த ஜோடியை ரசிகர்கள் வாழ்த்தியுள்ளனர்.ஏ ரிஷ்தா கியா கெஹலதா ஹை சீரியல் மூலம் தான் சின்னத்திரையில் நடிகையாக அறிமுகமானார் ஹீனா கான். அந்த சீரியலின் எக்சிகியூட்டிவ் தயாரிப்பாளர் தான் ராக்கி ஜெய்ஸ்வால். சீரியல் செட்டில் தான் அவர்கள் முதலில் சந்தித்து பேசி காதலை வளர்த்துக் கொண்டு தற்போது கணவன், மனைவியாகியிருக்கிறார்கள். 

திருமணத்தின்போது எடுக்கப்பட்ட புகைப்படங்களை இன்ஸ்டாகிராமில் வெளியிட்டார் ஹீனா கான். இந்நிலையில் வேலை தான் முக்கியம் என்று சொல்லி ராக்கியின் மனைவியான மறுநாளே வேலைக்கு வந்துவிட்டார் ஹீனா. நேற்று மும்பையில் நடந்த நிகழ்ச்சியில் கலந்து கொண்டு பேசினார். அப்பொழுது அவர் கூறியதாவது, புதன்கிழமை தான் எனக்கு திருமணமானது. வேலை முக்கியம். இது முக்கியமான நிகழ்ச்சி. அதை மிஸ் பண்ண நான் விரும்பவில்லை. அதனால் தான் திருமணமான அடுத்த நாளே வேலைக்கு வந்தேன் என்றார்.

ஹீனா கானுக்கு மார்பக புற்றுநோய் ஸ்டேஜ் 3ல் இருப்பது கண்டுபிடிக்கப்பட்டது. இதையடுத்து மார்பக புற்றுநோய்க்கு சிகிச்சை பெற்று வருகிறார். சிகிச்சையின்போது அவர் தைரியமாக இருக்கும் புகைப்படங்கள், வீடியோக்களை பார்த்து ரசிகர்கள் பிரமிக்கிறார்கள். இந்த தைரியத்துடனேயே இருங்க ஹீனா, விரைவில் பூரணமாக குணமடைந்துவிடுவீர்கள். உங்களுக்காக நாங்களும் பிரார்த்தனை செய்து கொண்டே இருக்கிறோம் என்கிறார்கள் ஹீனா கானின் ரசிகர்கள்.

ஹீனா கான் மார்பக புற்றுநோய்க்கு சிகிச்சை பெற்று வரும் நிலையில் அவரை திருமணம் செய்து கொண்ட ராக்கி ஜெய்ஸ்வாலை அனைவரும் பாராட்டுகிறார்கள். இது தான் உண்மையான காதல். ஹீனா தற்போது மிகவும் மோசமான கட்டத்தில் இருக்கிறார். இந்த நேரத்தில் உனக்கு நான் இருக்கிறேன், எப்பொழுதும் இருப்பேன் என தாலி கட்டிய செயலை பாராட்டாமல் இருக்க முடியவில்லை என்கிறார்கள் ரசிகர்களும், பிரபலங்களும்.