தனியாருக்கு திருப்பதி லட்டு தயாரிக்கும் ஒப்பந்தம் வழங்கப்பட்டது உண்மையா ? தேவஸ்தானம் விளக்கம்..!

திருமலை திருப்பதி தேவஸ்தானம் விடுத்துள்ள அறிக்கையில் திருப்பதி லட்டு பிரசாதம் தயாரிப்பது தொடர்பான பொய்ப் பிரச்சாரத்தை திருமலை திருப்பதி தேவஸ்தானம் (TTD) கடுமையாகக் கண்டிக்கிறது என தெரிவித்துள்ளமு. திருப்பதி லட்டு பிரசாதம் தயாரிக்கும் ஒப்பந்தம் தாமஸ் என்பவருக்கு வழங்கப்பட்டதாக சமூக வலைதளங்களில் பரவி வரும் வதந்திகள் மற்றும் தவறான தகவல்கள் தவறானவை என்றும் தெரிவிக்கப்பட்டுள்ளது.

மேலும் ஸ்ரீ வைஷ்ணவ பிராமணர்களால்தான் லட்டு பிரசாதம் தயாரிக்கப்படுகிறது என்றும் திருப்பதி தேவஸ்தானம் தெரிவித்துள்ளது. திருமலை ஸ்ரீவாரி லட்டு பிரசாதம் எந்தவொரு ஒப்பந்ததாரரின் வழிகாட்டுதலின் கீழும் தயாரிக்கப்படவில்லை என்று TTD திட்டவட்டமாக கூறியுள்ளது. சில சமூக ஊடக இடுகைகளில் பொய்யான தகவல்களை பரப்பியுள்ளது என்றும் லட்டு தயாரிப்பதில் இருந்து மூலப்பொருட்கள் எடுப்பது முதல் லட்டு கவுண்டர்களை நிர்வகித்தல் வரை பல்வேறு பணிகளுக்கு 980 இந்து பொட்டு தொழிலாளர்கள் ஈடுபடுத்தப் பட்டுள்ளதாகவும் தேவஸ்தான நிர்வாகம் அறிவித்துள்ளது.

மேலும், சமூக லைதளங்கள் மற்றும் யூடியூப் சேனல்களில் போலியான மற்றும் ஆதாரமற்ற வதந்திகளை பரப்புவோர் மீது கடும் நடவடிக்கை எடுக்கப்படும் என்றும் TTD எச்சரித்துள்ளது. கடந்த சில நாட்களுக்கு முன்பு திருப்பதி அன்னபிரசாதம் தொடர்பாக சமூக வலைதளங்களில் வதந்தி பரவியது. இதற்கு தேவஸ்தான நிர்வாகம் கடும் கண்டனம் தெரிவித்தது குறிப்பிடத்தக்கது.