தமிழக வெற்றிக் கழகத்தின் தலைவர் பதவிக்கு ஒருவர் எவ்வாறு தேர்ந்தெடுக்கப்படுவார்... தகுதிகள் என்ன..?

தவெக கழகத்தில் நிர்வாகிகளை நியமிக்கும் பணிகள் தீவிரமாக நடைபெற்று வருகின்றன. மாவட்டச் செயலாளர்கள், மற்றும் முக்கிய பதவிகளுக்கு நிர்வாகிகள் நியமிக்கப்பட்டனர்.

தேர்தல் வியூக வகுப்பாளர் பிரசாந்த் கிஷோரும் தவெக தலைவர் விஜய்யை சந்தித்து ஆலோசனை மேற்கொண்டார். கட்சியில் 28 பிரிவுகள் உள்ளதாகவும் அதன் விவரங்களும் வெளியாகி விவாதத்தை கிளப்பின.

இந்நிலையில் தமிழிக வெற்றிக் கழகம் சட்ட விதிகளில் இடம்பெற்றிருக்கும் தலைவர் பதவியை தேர்ந்தெடுக்கும் முறை குறித்தும் அவருக்கான அதிகாரம் குறித்தும் தகவல்கள் கசிந்துள்ளன.

தமிழிக வெற்றிக் கழகம் தலைவர் பதவி - தவெக சட்ட விதிகள் சொல்வது என்ன?
 

• அடிப்படை உறுப்பினர்கள் மூலமாக மட்டுமே தவெகவின் தலைவர் தேர்ந்தெடுக்கப்படுவார்.

• நான்கு ஆண்டுகளுக்கு ஒருமுறை தலைவர் பதவிக்கான உட்கட்சி தேர்தல் நடைபெறும்.

• தலைவர் பதவிக்கு போட்டியிடுவோர் நிறுவன உறுப்பினராக நான்கு ஆண்டுகள் இருக்க வேண்டும்.

• தலைவர் பதவிக்கு போட்டியிடுவோர் மாவட்ட அல்லது மாநில அளவில் 4 ஆண்டுகள் நிர்வாகியாக பணியாற்றியிருக்க வேண்டும்.

• தலைவர் பதவி விலகினால், உடனடியாக பொதுக்குழு கூடி இடைக்கால தலைவரை தேர்வு செய்யலாம்

• கட்சியின் அனைத்து விதமான அசையும், அசையா சொத்துக்களுக்கும் தலைவரே பொறுப்பாளராக இருப்பார்.
• கட்சியின் அவசரத் தேவை கருதி தலைவருக்கு முடிவெடுக்கும் அதிகாரம் உண்டு என்றாலும் அந்த முடிவுக்கு அடுத்து நடைபெறும் பொதுக்குழுவில் ஒப்புதல் பெற வேண்டும்.
• கட்சிக்காக வாங்கப்படும் அல்லது விற்கப்படும் சொத்துக்கள் மற்றும் பணப் பரிமாற்றங்கள் தலைவர் பெயரில் மட்டுமே நடைபெறும்.
• தேர்தல், வேட்பாளர் தேர்வு, தேர்தல் ஆணையம் உள்ளிட்ட அனைத்து விதமான கோப்புகளில் கையெழுத்திடும் அதிகாரம் தலைவருக்கு மட்டுமே உண்டு” என்று தெரிவிக்கப்பட்டுள்ளது.