.png)
இல்லத்தரசிகள் ஷாக்..! கடந்த 3 நாட்களில் மட்டும் பவுனுக்கு ரூ.1440 அதிகரித்த தங்கம் விலை..!
கடந்த 1-ந்தேதி ஒரு கிராம் ரூ.7 ஆயிரத்து 385-க்கும், ஒரு பவுன் ரூ.59 ஆயிரத்து 80-க்கும் விற்பனை ஆனது. அதன் பின்னர் விலை குறைந்து கொண்டே வந்து, கடந்த 17-ந் தேதி ஒரு கிராம் ரூ.6 ஆயிரத்து 935-க்கும், ஒரு பவுன் ரூ.55 ஆயிரத்து 480-க்கும் விற்பனை செய்யப்பட்டது.
இடைபட்ட 17 நாட்களில் பவுனுக்கு ரூ.3 ஆயிரத்து 600 வரை குறைந்திருந்தது.
இந்த நிலையில் நேற்று முன்தினம் முதல் மீண்டும் விலை ஏறுமுகத்தை நோக்கி பயணிக்கத் தொடங்கியது. நேற்று முன்தினம் கிராமுக்கு ரூ.60-ம், பவுனுக்கு ரூ.480-ம் அதிகரித்திருந்தது. இதன் தொடர்ச்சியாக நேற்றும் அதன் விலை உயர்ந்து இருந்தது.
இந்நிலையில் 3-வது நாளாக இன்றும் தங்கம் விலை உயர்ந்துள்ளது. இன்றைய நிலவரப்படி, கிராமுக்கு ரூ.50-ம், பவுனுக்கு ரூ.400-ம் உயர்ந்து, ஒரு கிராம் ரூ.7 ஆயிரத்து 115-க்கும், ஒரு பவுன் ரூ.56 ஆயிரத்து 920-க்கும் விற்பனை ஆகி வருகிறது.
கடந்த 3 நாட்களில் மட்டும் பவுனுக்கு ரூ.1,440 அதிகரித்துள்ளது. இதன் மூலம் மீண்டும் ஒரு பவுன் தங்கம் ரூ.57 ஆயிரத்தை நெருங்கி உள்ளது.