ரிசர்வ் வங்கியின் லிஸ்ட் இதோ! ஜூலை மாதத்தில் 12 நாட்கள் வங்கிகள் இயங்காது..!

ஜூலை மாதத்திற்கான வங்கி விடுமுறை பட்டியலை இந்திய ரிசர்வ் வங்கி வெளியிட்டுள்ளது. ஒருவேளை நீங்கள் பணப் பரிவர்த்தனை, காசோலை போன்ற விஷயங்களுக்கு வங்கிக்கு செல்ல வேண்டியிருக்கும். அப்படி நீங்கள் வங்கிக்குச் செல்ல திட்டமிட்டிருந்தால் வீட்டை விட்டு கிளம்புவதற்குமுன் வங்கி விடுமுறை பட்டியலை பார்த்துவிட்டுச் சென்றால் நல்லது.

இந்த ஜூலை மாதத்தில் மொத்தம் 12 நாட்களுக்கு வங்கிகள் மூடப்பட்டிருக்கும். இதில் திருவிழாக்கள், சனி மற்றும் ஞாயிறு (வார இறுதி விடுமுறை) ஆகியவையும் அடங்கும். இந்த விடுமுறைகளில் சில விடுமுறைகளில் குறிப்பிட்ட மாநிலங்களுக்கு மட்டுமே பொருந்தும். அது உள்ளூர் விடுமுறையாக இருக்கும். அது என்னென்ன நாட்கள் என்று இங்கே பார்க்கலாம்.

ஒவ்வொரு மாதமும் அனைத்து வங்கிகளுக்கும் இரண்டாம் சனிக்கிழமை மற்றும் நான்காம் சனிக்கிழமை விடுமுறை அளிக்கப்படும். அந்த வகையில் ஜூலை 13 மற்றும் ஜூலை 27 ஆகிய இரண்டு நாட்கள் விடுமுறையாக இருக்கும். அதேபோல, ஞாயிற்று கிழமைகள் விடுமுறை நாட்கள் என்பதால் ஜூலை 7, 14, 21, 28 ஆகிய நான்கு நாட்களும் வங்கிகளுக்கு விடுமுறை அளிக்கப்பட்டுள்ளது.

- ஜூலை 3 (புதன்கிழமை): ஷில்லாங்கில் பெஹ் டீன்க்லாம் பண்டிகை காரணமாக வங்கிகள் மூடப்பட்டிருக்கும்.
- ஜூலை 6 (சனிக்கிழமை): எம்ஹெச்ஐபி தினத்தையொட்டி ஐஸ்வாலில் வங்கிகளுக்கு விடுமுறை அளிக்கப்படும்.
- ஜூலை 7 (ஞாயிறு): வாராந்திர வங்கி விடுமுறை காரணமாக, நாடு முழுவதும் வங்கிகள் மூடப்பட்டிருக்கும்.
- ஜூலை 8 (திங்கட்கிழமை): குர்புரப் (குரு ஹர்கோவிந்த் சாஹிப்பின் பிறந்த நாள்) காரணமாக வங்கிகள் மூடப்பட்டிருக்கும்.
- ஜூலை 9 (செவ்வாய்கிழமை): ட்ருக்பா சே-ஜியை முன்னிட்டு காங்டாக்கில் வங்கிகளுக்கு விடுமுறை அளிக்கப்படும்.
- ஜூலை 13 (சனிக்கிழமை): மாதத்தின் இரண்டாவது சனிக்கிழமை காரணமாக நாடு முழுவதும் வங்கிகளுக்கு விடுமுறை அளிக்கப்படும்.
- ஜூலை 14 (ஞாயிறு): வாராந்திர வங்கி விடுமுறை காரணமாக, நாடு முழுவதும் வங்கிகள் மூடப்பட்டிருக்கும்.
- ஜூலை 16 (செவ்வாய்கிழமை): ஹரேலா பண்டிகையையொட்டி டேராடூனில் வங்கிகளுக்கு விடுமுறை அளிக்கப்படும்.
- ஜூலை 17 (புதன்கிழமை): முஹர்ரம் மற்றும் யு டிரோட் சிங் தினத்தின் போது மூடப்பட்டிருக்கும்.
- ஜூலை 21 (ஞாயிறு): வாராந்திர வங்கி விடுமுறை காரணமாக, நாடு முழுவதும் வங்கிகள் மூடப்பட்டிருக்கும்.
- ஜூலை 27 (சனிக்கிழமை): மாதத்தின் நான்காவது சனிக்கிழமை என்பதால், நாடு முழுவதும் வங்கிகள் மூடப்படும்.
- ஜூலை 28 (ஞாயிறு): வாராந்திர வங்கி விடுமுறை காரணமாக, நாடு முழுவதும் வங்கிகள் மூடப்பட்டிருக்கும்.

பெஹ்டீன்க்லாம் பண்டிகையை முன்னிட்டு மேகாலயாவில் ஜூலை 3 வங்கிகள் மூடப்படும். பெஹ்டீன்க்லாம் என்பது இந்தியாவின் மேகாலயாவில் உள்ள பினார் பிரிவு மக்களால் கொண்டாடப்படும் ஒரு திருவிழா ஆகும்.

MHIP தினத்தையொட்டி மிசோரமில் வங்கிகள் மூடப்படும். மிசோரமில் ஒவ்வொரு ஆண்டும் ஜூலை 6ஆம் தேதியன்று MHIP தினம் கொண்டாடப்படுகிறது. எம்.எச்.ஐ.பி. 'மிசோ ஹ்மெய்ச்சே இன்சுய்காம் பாவ்ல்' என்பதன் சுருக்கம். அதாவது 'பெண்களை ஒன்றாக பிணைத்தல் என்பதே இதன் பொருள்.

காங் (ரதஜாத்ரா) விழாவையொட்டி மணிப்பூரில் ஜூலை 8 வங்கிகள் மூடப்படும். மணிப்பூரில் உள்ள மெய்டே மக்களுக்கான மிகவும் குறிப்பிடத்தக்க மற்றும் விரும்பப்படும் கொண்டாட்டங்களில் ஒன்று காங் திருவிழா ஆகும். இது பெரும்பாலும் ரத யாத்திரை என்று குறிப்பிடப்படுகிறது.

ட்ருக்பா ஷே-சியை முன்னிட்டு சிக்கிமில் ஜூலை 9 வங்கிகள் மூடப்படும். ட்ருக்பா ஷே-சி என்பது உலகெங்கிலும் உள்ள பௌத்தர்களுக்கு மிகவும் மங்களகரமான மற்றும் குறிப்பிடத்தக்க நிகழ்வாகும்.

ஹரேலா பண்டிகையையொட்டி உத்தரகாண்டில் ஜூலை 16 வங்கிகள் மூடப்பட்டிருக்கும். ஹரேலா என்பது உத்தரகண்ட் மற்றும் இமாச்சலப் பிரதேசத்தின் சில பகுதிகளில் கொண்டாடப்படும் ஒரு இந்து பண்டிகையாகும்.

ஜூலை 17 - திரிபுரா, மிசோரம், மகாராஷ்டிரா, கர்நாடகா, மத்தியப் பிரதேசம், தமிழ்நாடு, ஹைதராபாத், ஆந்திரப் பிரதேசம், ஹைதராபாத், மேற்கு வங்கம், டெல்லி, பாட்னா, சத்தீஸ்கர், ஜார்கஹாண்ட், மேகாலயா, இமாச்சலப் பிரதேசம், ஸ்ரீநகர் ஆகிய இடங்களில் மொஹரம் தினத்தை முன்னிட்டு வங்கிகள் மூடப்பட்டிருக்கும்.